Hiob 19:5 - O Debleskro Drom 2021 (Sinte)

⁵ Tchatchepah, tumer patsenn, te han feteder har me, un kamenn mange te sikrell, te hi miri doosh, hoi anas man an i ladj!

O Debleskro Lab 2024 (Sinte-Manouche)

⁵ Čačepah, t'mer patsenn, te han feteder har me, oun kamenn mange te sikrell, te hi miri doosh, hoy anas man an i ladj!

Hiob 19:5 Referans Kwoze

Debleskri gili 55:12

O tchilatcho koowa hi baro mank lende. Ap i dromma, kai parenn un bikrenn le, wenn i menshe tikno rikedo un chochedo.

Debleskri gili 38:16

Tchatchepah, me tchiwau miro tselo patsepen ap tute, baro Dewel, te rakress tu mantsa, mo rai un mo Dewel.

Debleskri gili 35:26

Kre, te ladjenn le pen, un nai hadenn pengro shero gar pral, kolla lauter, kai hi bachtelo pral miri bibacht! Mu well praassepen un ladj ap lende, kai hadenn pen pral mande.

Johanni 9:34

Koi penan jon ap leste: “Tu, kai boldo hal an o tchilatchepen, kameh kanna maro sikepaskro te well?” Un jon witsran les win.

Johanni 9:2

Un o Jesuseskre mala putchan o Jesusestar: “Sikepaskro, koon anas i doosh ap peste, te was kau mursh koreles boldo? Anas job i doosh ap peste? Anan leskro dad un leskri dai i doosh ap pende?”

Louka 1:25

“O Dewel dikas latches ap mande un kras, te well man i ternepen ap ko tsiro, har job kamas, un las miri ladj mandar krik.”

Zakarie 12:7

O baro Dewel krell, te wenn glanstunes i lurde dran o them Juda i sorleder pral kolende, kai kurenn pen lentsa. Kowa krell lo jaake, te sharenn pen gar o Davideskre menshe un i wawar menshe an o foro Jerusalem, un dikenn tele ap i menshende an o them Juda.

Zefanja 2:10

Jaake lenn i menshe an i themma Moab un Ammon pengri phagi. Jon his pre-phurdo un praassan i menshen o baro Deblestar, kai hi o rai pral o bolepen un i phub, un hadan pen pral lende.

Micha 7:8

Ma san pral mande, tumer, kai kamenn man tele te rikrell! Ninna te wom ap i phub witsedo, stau me pale pre. Ninna te hom an i kali rat beshdo, hi o baro Dewel miri momeli.

Jesaja 4:1

Ap ko tsiro taprenn efta djuwja jek murshes un penenn: Mer kamah kokres maro chapen un mare ripja te ginell. Romedine men, te well i ladj mendar krik lino!

Debleskri gili 41:11

Tu, baro Dewel, kre tiro dji mange pre! Hade man pale pre! Palle dau len lauter pale, hoi jon mange kran.

Nehemia 1:3

Un jon penan mange: “Kol menshe an o them Juda, kai wan gar pandles krik anlo, djiwenn an bari bibacht un ladj. Un i massuri trul Jerusalem hi tele phagedo, un i bare wudja hi pre-chatchedo.”

1. Samuel 1:6

Un i Peninna, koi wawar romni, rodas, har te dukrell li lat, un kras lat i labentsa tele, doleske, kai nashte lell li kek tchawe.

Hiob 19:4

Ninna te wals man tchatchepah gar tchatches, wals kowa miro koowa.

Debleskri gili 55:13

Kowa, kai praassell man kanna, hi gar jek kolendar, kai kaman mange tchilatchepen. Palle hidjroms kowa. Job, kai hadell pes pral mande, hi gar kolendar, kai djan ap mande pre. Palle khatroms man glan leste.