Hiob 19:12 - O Debleskro Drom 2021 (Sinte)

¹² Hi jaake, har te bitchrals job peskre lurden, te djan le ap mande. Jon kran penge i drom pash mande, un tchiwan pen pre trul miro kheer.

O Debleskro Lab 2024 (Sinte-Manouche)

¹² Hi yaake, har te bičrals yob peskre lourden, te djan le ap mande. Yon kran penge i drom pash mande, oun čivan pen pre troul miro kheer.

Hiob 19:12 Referans Kwoze

Hiob 30:12

Ap miri tchatchi rig hadenn pen tchilatche terne mursha, un stakrenn mange mire herja krik. Un kran mange sawe dromma, te hunte perap ap lende.

Jesaja 51:23

Me dau les kanna an o wast kolendar, kai tiro djipen jaake phares kran, kolla, kai ap tute penan: “Witse tut tele, te djap pral tute wergel!” Un tu kral tiro dumo jaake, te hals jek i phubjah, un hals lenge har o drom, pral koleste jon pral wergel djan.

Hiob 16:13

Leskre faile djan haki rigjatar ap mande. Job dell man karje an mire buke dren. Un les khaitau gar. Miri galla tchorell lo win ap i phub.

Hiob 16:11

Miro Dewel das man o tchilatchenge an i wasta, kolenge, kai kamenn lestar tchi te djinell.

Hiob 6:4

Mange djal jaake, har te dals o sorelo Dewel karje ap mande, un leskre faile wans an mande, hoi anenn mange o merepen. Kowa, hoi mukell o Dewel ap mande te well, krell man i bari daar.

Hiob 15:24

Daar un traash perenn ap leste, un pandenn les dren, har i baro rai an o kurepen i foro dren pandell.