Hiob 17:6 - O Debleskro Drom 2021 (Sinte)

⁶ Kanna wom jek, pral koleste i menshe sapaskre gilja giwenn, un koleske jon an o mui tchungrenn.

O Debleskro Lab 2024 (Sinte-Manouche)

⁶ Kanna vom yek, pral koleste i menshe sapaskre gilya givenn, oun koleske yon an o mouy čoungrenn.

Hiob 17:6 Referans Kwoze

Debleskri gili 44:14

Tu kral, te hunte ladjas men glan i menshende, kai djiwenn an i themma trul mende; jon sanenn pral mende un praassenn men.

Hiob 30:9

Un kanna giwenn lengre tchawe sapaskre gilja pral mande. Me wom lenge rakepaske.

Jesaja 5:12

Jon mukenn penge mishto te djal un krenn bashepen ap dorjengre bashepangre un phurdepangre un wawar bashepangre. Un mool hi ninna pashel. Ap kowa, hoi o baro Dewel krell, dikenn le gar. Kolestar kamenn le tchi te djinell.

1. Rajengro liil 9:7

palle tradau me i Israelitarjen win dran lengro them, hoi me len dom. Un ko kheer, hoi mange win rodom, te wap kote an-mangedo, kolestar kamau tchi buder te djinell. Un i menshe an i tsele wawar themma rakrenn un sanenn pral o Israel.

1. Mose 31:27

Hoske nashal tuke tchorchanes? Hoske chochral man un penal mange gar, kai kameh tuke te djal? Bachteles djoms me tumentsa i kotar peha ap o drom i gipah un i bashepah.

4. Mose 12:14

O baro Dewel penas ap o Moseste: “Te tchungrals lakro dad lat an o mui, hunte ladjals joi efta diwessa. Mukenn lat kokres efta diwessa win glan koi platsa, kai i plachtene khera hi! Pal kowa lenn lat pale pash tumende!”

Hiob 12:4

Hoske wom mire malenge sapaske? Me dom gole ap o Debleste, un job shunas man. Ninna te hom an o tchatchepen tardo un djau o tchatcho drom, sanenn le man win.

Hiob 17:2

Hakeno sal pral mande. Un me hunte dikap, har tchingran le ap mande.

Hiob 30:10

Lenge well djungeles glan mande, un rikrenn pen dur krik mandar, un tchungrenn mange an o mui.

Debleskri gili 69:11

Rowom un kamom tchi te chal, un jon san man doleske win.

Debleskri gili 44:15

I menshe an wawar themma rakrenn laba sapaske pral mende, un tchiwenn pengre shere jek rigjatar ap i wawar pal mende.