Hiob 16:9 - O Debleskro Drom 2021 (Sinte)

⁹ Leskri choli dandras man khetne un las man palla. Job sikrell peskre danda, un peskre jaka dikenn ap mande har te wans le tchurja.

O Debleskro Lab 2024 (Sinte-Manouche)

⁹ Leskri rholi dandras man khetne oun las man palla. Yob sikrell peskre danda, oun peskre yaka dikenn ap mande har te vans le čourya.

Hiob 16:9 Referans Kwoze

Ropaskre gilja 2:16

Halauter, kai ap tute tchilatcho hi, krenn pengro mui dur pre pral tute, denn shol, un sikrenn tuke pengre danda. “Mer dam les khetne”, penenn le. “Awa, kawa hi kau diwes, kai mer kamam, te well lo! Mer lam, hoi kamam.”

Debleskri gili 35:16

Khetne kol tchilatchentsa praassan le man un sikran mange pengre danda.

Hiob 13:24

Hoske khatreh tu tiro mui glan mande? Hoske rikreh man jekeske, kai kamell tuke tchilatchepen te krell?

Bičepangre 7:54

Har jon kowa shunan, hoi o Stefano lenge penas, djas lenge kowa an o dji, un i bari choli tapras len.

Hosea 6:1

Awenn, te djas pale pash o baro Debleste! Job dukas men, un job krell men pale sasto. Job das men dawa, un job pandell men pale khetne.

Debleskri gili 37:12

O tchilatcho kamell midjak koowa te krell ap koleste, kai an o tchatchepen tardo hi, un sikrell leske i danda.

Hiob 19:11

Un peskri choli mukas lo pral mande pre chatchell, un rikrell man har sawo mursheske, kai kamell leske tchilatchepen te krell.

Hiob 18:4

An tiri choli dukreh tut kokres! Patseh, i phub hunte well i mulo them, un i bare barra hunte djan jek rigjatar ap i wawar, te well diklo, kai hal tu an o tchatchepen?

Micha 7:8

Ma san pral mande, tumer, kai kamenn man tele te rikrell! Ninna te wom ap i phub witsedo, stau me pale pre. Ninna te hom an i kali rat beshdo, hi o baro Dewel miri momeli.

Hosea 5:14

Me hom o themeske Efrajim har i lewo, un o khereske Juda har i terno lewo. Me dandrau len an kotja, un djau mange. Me hidjrau len krik, un kek nai lell len dran miro wast win.

Ropaskre gilja 3:10

Job luras mange pre, har te wals lo i tchilatcho diwjo viecho, un har i lewo an peskro khatepen.

Debleskri gili 50:22

Tumer, kai kamenn tchi mandar te djinell, haiwenn, hoi penom, te wap gar un dap tumen, un kek hi koi, kai lell tumen win dran miro wast.

Hiob 13:27

Mire herja tchiwal an shelle, un deh jak ap hako drom mandar, un leh mire pire an o jak, kai le djan.

Hiob 30:21

Tu wal mange har i tchilatcho, un tiri tseli sorjah leh man palla.

Hiob 33:10

O Dewel anell tchomone ap mande pre, hoi me gar krom. Job rikrell man har sawo mursheske, kai kamell leske tchilatchepen te krell.

Hiob 6:4

Mange djal jaake, har te dals o sorelo Dewel karje ap mande, un leskre faile wans an mande, hoi anenn mange o merepen. Kowa, hoi mukell o Dewel ap mande te well, krell man i bari daar.