Hiob 13:26 - O Debleskro Drom 2021 (Sinte)

²⁶ Tu aneh djungelo koowa ap mande pre un tchineh les an i liil. Ninna koi doosh, hoi anom ap mande, har terno homs, aneh tu ap miro shero pale.

O Debleskro Lab 2024 (Sinte-Manouche)

²⁶ Tou aneh djoungelo koova ap mande pre oun čineh les an i liil. Ninna koy doosh, hoy anom ap mande, har terno homs, aneh tou ap miro shero pale.

Hiob 13:26 Referans Kwoze

Debleskri gili 25:7

Biste miri doosh, hoi ap mande lom, har terno homs, un miro tchilatcho koowa! Kre mange tiro dji pre, miro baro Dewel!

Johanni 5:14

Pal i tsiro tapras o Jesus ko murshes pale an o Debleskro baro kheer. “Tu hal kanna sasto,” penas lo ap leste, “kre kek tchilatcho koowa buder, te well gar budeder ap tute har ko nasslepen!”

Johanni 5:5

Mashkral kolende his i mursh, kai his triin-deesh-te-ochta (38) bersha nasselo.

Jeremia 31:19

Har dikom miri doosh dren, mukom miro tchilatcho drom, un har khaitas man, hoi krom, dom mire wasta pral o shero khetne. Ko wi-ladjedo koowa, hoi krom, har terno homs, koleske ladjom un wom lolo i ladjatar.”

Hiob 20:11

Ninna te hi lo gomme terno un sorelo, hunte merell lo, un well an i tchik tchiddo.

Hiob 3:20

Hoske mukell o Dewel kolen djido, kai len jaake phares hi? Hoske dell lo kolen o djipen, kolengro dji pherdo ropen hi?

Ruth 1:20

Joi penas ap lende: “Penenn gar ‘Naomi’ ap mande! Denn man Mara gole! O sorelo Dewel kras miro djipen shutlo.

Hiob 9:18

Job mukell man gar jek kopo ducho te lell, na-a, job krell man pherdo ropen un duk.

1. Rajengro liil 17:18

Kote penas joi ap o Elija: “Hoske kral tu kowa mantsa, Debleskro mursh? Tu wal pash mande, te was miri doosh an o Debleskro shero. Doleske hunte meras miro tchawo.”