Hiob 12:9 - O Debleskro Drom 2021 (Sinte)

⁹ Koon hi kowa, kai djinell gar, te kras o baro Debleskro wast kowa lauter?

O Debleskro Lab 2024 (Sinte-Manouche)

⁹ Koon hi kova, kay djinell gar, te kras o baro Debleskro vast kova lauter?

Hiob 12:9 Referans Kwoze

Jesaja 41:20

Kowa well jaake, te dikenn i menshe un haiwenn, un dikenn dren un djinenn: Dran i soor o baro Deblestar was kowa jaake. Awa, o Israeleskro tchatcho Dewel kras kawa halauter.

Remarja 11:36

Lestar was halauter. Halauter djiwell lestar, un halauter djal pale pash leste. Sharas o Debles kanna un hako tsiro! Amen.

Bičepangre 19:35

Pal kowa har o moskro lenge penas, te mukenn le tele, penas job ap lende: “Murshale an o foro Efesus, hako mensho djinella, kai an maro foro i menshe garda denna ap i bari debletsa Artemis un ap lakro baro kheer. Un ninna djinell hakeno, kai peras koi barreskri debletsa, kai koi tardo hi, dran o bolepen tele.

Daniel 9:17

Kanna, maro Dewel, shun miro mangepen! Shun har me, tiro budepaskro, ap tute rowau. Dik pale latches ap tiro kheer, hoi khetne dino koi tchiddo hi. Kre kowa, te djinell hakeno, tu hal o tchatcho Dewel!

Daniel 5:18

Tu miro rai! O pralstuno Dewel das tiro dades Nebukadnezar themma, rajeskri soor, barepen un railepen.

1. Samuel 2:7

O baro Dewel krell tchorwelo un job krell brawelo, ko jekes krell lo tikno, un ko wawares baro.

Hiob 12:3

Me ninna hom jaake gosewo har tumer. An tchi krenn tumer mange tchomone glan. Hakeno djinell kowa, hoi tumer penan.

Hiob 22:18

Un job his kowa, kai kras lengre khera pherdo latcho koowa! Hoske i tchilatche sau koowa rakrenna an pengre djia, haiwau me gar.

Hiob 12:8

Putch ninna i tikne viechen ap i phub, un i matche an o baro pani, un jon penenn les tuke.

Hiob 13:1

Kawa lauter dikan mire jaka, un shunan mire kanda. Un me haiwom les.

1. Mose 1:20

Un o Dewel penas, te wenn bud vieche an o pani un bud tchirkle an o bolepen.