Hiob 11:8 - O Debleskro Drom 2021 (Sinte)

^8-9 O Debleskro goswepen hi dureder har o bolepen hi, un dureder tele har o mulengro them. Kowa hi bareder har i phub un buchleder har o baro pani. Tu nai haiweh un djineh gar halauter!

O Debleskro Lab 2024 (Sinte-Manouche)

^8-9 O Debleskro gosvepen hi doureder har o bolepen hi, oun doureder tele har o moulengro them. Kova hi bareder har i phoub oun bourhleder har o baro pani. Tou nay hayveh oun djineh gar halauter!

Hiob 11:8 Referans Kwoze

Hiob 22:12

Hi o Dewel gar dur pre an o bolepen? Dik pre pash i bolepangre momlia, dik, har dur pre kolla hi!

Amos 9:2

Ninna te paskrenn le pen tele pash i mulende, lau len kotar pre. Ninna te djan le pre bis pash o bolepen, anau len tele.

Jesaja 55:9

Jaake dur o bolepen pral i phub hi, jaake dur hi ninna mire dromma pral tumare dromma, un kowa hoi mange an miro shero djal, hi feteder har kowa, hoi tumenge an tumare sherja djal.

Debleskri gili 148:13

Kolla lauter mu sharenn o baro Debleskro lab. Leskro lab hi bareder har i tsele wawar laba. Leskro railepen djal pral i phub un o bolepen.

Hiob 35:5

Dik pre, dik an o bolepen pre! Dik ap i wolke dur pral tute!

Hiob 26:6

O mulengro them hi pre tchakedo tchiddo glan o Debleste. Tchi khatrell les glan leskre jaka.

Debleskri gili 103:11

Jaake dur har o bolepen pral i phub hi, jaake baro hi leskro latchepen kolenge, kai djiwenn leha.

2. Familjakro liil 6:18

Nai well tchatcho, kai o Dewel kamell te djiwell pash i menshende ap i phub? O tselo bolepen hi gar bares doha, te rikrell lo tut. Har nai krals kowa kau kheer, hoi me mukom te krell?

Hiob 7:9

Jaake har i wolka ap jek kopo buder gar koi hi, jaake hi o mensho, kai merell. Job well buder gar pale dran o mulengro them.

Hiob 37:23

Pash leste, ko soreleste, nai wah mer gar. Leskri soor hi baro. Hako tsiro krell lo, hoi mishto hi, un dell hakeneske peskro tchatchepen.

Hiob 38:17

Hals tu tardo pash i wudja an o mulengro them? Un dikal tu i wudja glan koi platsa, kai hi baro kalepen.

Debleskri gili 36:6

Baro Dewel, tiro latchepen hi jaake baro har o bolepen. Un tiro kamlepen ap tire menshende djal bis pash i wolke.

Gosewe laba 30:4

Koon djas pre an o bolepen un pale tele? Koon las o phurdepen an peskre wasta? Koon pandas i tsele panja an i baja? Koon penas, har dur i phub te djal? Har kharell lo? Har kharell leskro tchawo? Djineh tu kowa?