Hiob 11:3 - O Debleskro Drom 2021 (Sinte)

³ Tiro tselo rakepen nai rikrell men gar pale, te kras mer maro mui pre. Te rikreh men dineleske, patseh, te tchingras gar tuha?

O Debleskro Lab 2024 (Sinte-Manouche)

³ Tiro tselo rakepen nay rikrell men gar pale, te kras mer maro mouy pre. Te rikreh men dineleske, patseh, te čingras gar touha?

Hiob 11:3 Referans Kwoze

Hiob 17:2

Hakeno sal pral mande. Un me hunte dikap, har tchingran le ap mande.

Judas 1:18

Jon penan: Glan ko tsiro, kai maro rai Jesus pale wella, wenna sawe menshe, hoi san pral o Debleskro koowa, un djiwenn jaake, har jon kamenna un krenn, hoi o Dewel gar kamella.

Tito 2:8

Pen les lenge jaake, te nai penell kek, kai kowa gar tchatcho hi, hoi tu peneh! Palle nai rakrenn kolla gar djungeles pral mende, kai hi chojemen ap mende. Na-a, jon ladjenn pen.

2. Tessalonikarja 3:14

Jek te krell kowa gar, hoi mer an kau liil tchinam, penenn kowa i wawar patslenge, un rikrenn tumen lestar pale, te well i ladj pral leste!

Jeremia 15:17

Me nai hom gar wawar menshentsa bachteles khetne beshdo, un sau lentsa, tu tchiwal tiro wast ap mande, un hom kokres. Tiri choli pral kal menshende was ninna an mande.

Debleskri gili 83:16

Bitche i baro phurdepen un trade len krik! Kre lenge daar tiro sorelo ducheha!

Debleskri gili 35:16

Khetne kol tchilatchentsa praassan le man un sikran mange pengre danda.

Hiob 34:7

Koon hi sawo mursh har o Hiob, kai rikrell pes gar pale te praassell lo i wawaren? Kowa hi leske har te pijals lo pani.

Hiob 24:25

Hi kowa gar jaake? Koon kamell man kanna i chocheneske te krell, un sikrell, te his kowa gar tchatcho, hoi me penom?

Hiob 21:3

Mangau tumen, mukenn man te rakrell! Pal kowa nai sanenn pral mande!

Hiob 13:9

Patsenn tumer, te djal kowa tumenge mishto, te lell lo tumen an o jak? Mukell lo pes tumendar te chochell, har te wals lo i mensho?

Hiob 13:4

Tumer tchakrenn o tchatchepen o chochepah, han dramangre, kai tchi-moldo hi, – tumer halauter.

Hiob 12:4

Hoske wom mire malenge sapaske? Me dom gole ap o Debleste, un job shunas man. Ninna te hom an o tchatchepen tardo un djau o tchatcho drom, sanenn le man win.