Hiob 11:16 - O Debleskro Drom 2021 (Sinte)

¹⁶ Tiri bibacht nai bistreh. Te well li tuke an tiro shero, hi li har pani hoi krik nashas.

O Debleskro Lab 2024 (Sinte-Manouche)

¹⁶ Tiri bibarht nay bistreh. Te vell li touke an tiro shero, hi li har pani hoy krik nashas.

Hiob 11:16 Referans Kwoze

Jesaja 65:16

Palle penenn kolla an o them Juda, kai rakrenn i bacht win pral jekeste: “I bacht o tchatchepaskro Deblestar well pral tute!” Un kowa, kai dell pes sowel an o them, kowa dell pes sowel pash o tchatchepaskro Debleste. Palle hi bistedo kol phare diwessa pherdi bibacht, hoi glan kau tsiro his, un wenn mange buder gar glan i jaka.

Johanni 16:21

I djuwel, kai lell i ternepen, kolat hi duka. Te hi ko ternepen koi, bistrell li kol duka. Jaake bari hi lakri bacht, kai joi las i ternepen.

Jesaja 54:9

Me krau kanna har an ko tsiro, kai o Noah djiwas, kai dom me man sowel, te well gar buder jaake baro pani pral i phub. Kau diwes dau man sowel, te wap gar buder chojedo ap tute, un te tchingrap gar buder tuha.

Jesaja 54:4

Ma dare! Tu weh gar wi-ladjedo koi tardo! Mukau kekes, te sal lo pral tute. Doleske ma ladj tut! Tu bistreh koi ladj, hoi ap tute his, har terno hals. Un ko tsiro, har tiro rom meras, well tuke buder gar an o shero.

Gosewe laba 31:7

Sawe nai pijenna, te nai bistrenn le pengri bibacht un kowa, hoi lengre djia dukrell.

Hiob 22:11

Tamlepen hi trul tute, te nai dikeh tchi. Un bare panja djan pral tute.

Hiob 6:15

Mire mala sikran pen, te hi le chochene. Har panja hi le, kai truk wenn.

1. Mose 41:51

Un o Josef das o phureder tchawes ko lab Manasse un penas: O Dewel kras te bistrap miri tseli bibacht un mire tsele menshen.

1. Mose 9:11

Kowa hi ko lab, kai dau miro wast koi pre: Me anau buder gar sawo baro pani pral i phub, te tassell hako djipen ap i phub. Sawo baro pani well buder gar pral i phub.”