Hiob 10:1 - O Debleskro Drom 2021 (Sinte)

¹ Kamau buder gar te djiwell. Doleske rikrau miro ropen ninna gar pale, un rakrau jaake, har miro dukedo dji mange penell.

O Debleskro Lab 2024 (Sinte-Manouche)

¹ Kamau bouder gar te djivell. Doleske rikrau miro ropen ninna gar pale, oun rakrau yaake, har miro doukedo dji mange penell.

Hiob 10:1 Referans Kwoze

Hiob 7:11

Doleske kamau me ninna gar miro mui te rikrell, kamau te rakrap dran miro djijeskri daar, un miri bari duk win gole te dell.

1. Rajengro liil 19:4

Un job djas i diwes dur an o mulo them. Un kote beshas lo pes tel i burra, un kamas te merell un penas: “Kanna hi doha, baro Dewel. Muk man te merell! Me hom gar feteder har mire phure.”

4. Mose 11:15

Te kameh tu mantsa jaake te krell, palle ab mange latcho un de man mulo, te dikap gar miri bibacht.”

Jona 4:8

Un har o kham ap o bolepen tardo his, mukas o baro Dewel i tato phurdepen dran o mulo them te well, un o kham das jaake tchurje ap o Joneskro shero, te nashras lo peskri soor. Un job kamas te merell un penas: “Miro merepen hi mange mishto, budeder har te djiwap!”

Hiob 9:21

Kek tchilatchepen krom me. Miro djipen hi mange buder tchi moldo. Kamau buder gar te djiwell. Lauter hi mange jek. Doleske penau me: O Dewel dell koles mulo, kai latcho un tchatcho hi, un ninna koles, kai tchilatcho hi.

Hiob 5:20

Te hi bari bok an o them, mukell lo tut gar te merell. Un an o kurepen mukell lo tut gar i chareha te marell.

Jona 4:3

Un kanna, baro Dewel, le miro djipen mandar! Miro merepen hi mange mishto, budeder har te djiwap!”

Jesaja 38:17

Dik, kowa his mange mishto, te wom nasselo: An tiro kamlepen tserdal tu miro djipen win dran o merepen. I tseli doosh, hoi me ap mande anom, witsral tu pal tiro dumo.

Jesaja 38:15

Hoi penap pal kowa gomme: Job kras, hoi lo mange penas Me nai sowau buder gar. Miro tselo djipen was mange shutlo.

Hiob 19:4

Ninna te wals man tchatchepah gar tchatches, wals kowa miro koowa.

Hiob 14:13

Har kamoms, te khatress tu man an o mulengro them, te pandess man kote dren, bis te tiri choli trujel hi. Kamoms te mukals man jek tsiro koi, un palle woms tuke pale an o shero!

Hiob 7:16

Me kamau gar buder, kamau gar buder te djiwell. Muk tele mandar! Miro djipen hi sik trujel.

Hiob 6:26

Hi mare laba tchilatcho an tumare kanda? Me hom i mursh, kai djinell buder gar, hoi te krell lo, un koleskro rakepen hi tchitcheske.