Hiob 1:8 - O Debleskro Drom 2021 (Sinte)

⁸ Un o baro Dewel putchas o bengestar: “Dal tu ninna jak ap miro budepaskro, o Hiob? Kek wawar hi ap i phub, kai hi jaake har kowa. Job hi an o tchatchepen tardo, un kek doosh hi ap leste. Job mangell man an, un rikrell pes dur krik o tchilatchepastar.”

O Debleskro Lab 2024 (Sinte-Manouche)

⁸ Oun o baro Devel poučas o bengestar: “Dal tou ninna yak ap miro boudepaskro, o Hiob? Kek vavar hi ap i phoub, kay hi yaake har kova. Yob hi an o čačepen tardo, oun kek doosh hi ap leste. Yob mangell man an, oun rikrell pes dour krik o čilačepastar.”

Hiob 1:8 Referans Kwoze

Hiob 2:3

Un o baro Dewel putchas o bengestar: “Dal tu ninna jak ap miro budepaskro, o Hiob? Kek wawar hi ap i phub, kai hi jaake har kowa. Job hi an o tchatchepen tardo, un kek doosh hi ap leste. Job mangell man an, un rikrell pes dur krik o tchilatchepastar. Ninna kanna anell lo kek doosh ap peste, kai tu mandar kamal, te anap les an i bibacht, ninna te kras lo tchi.”

Hiob 1:1

An o them Uz djiwas i mursh, kowa kharas Hiob. Job his an o tchatchepen tardo, un kek doosh his ap leste. Job mangas o Debles an, un rikras pes dur krik o tchilatchepastar.

Jesaja 1:16

Thowenn tumen, krenn tumen djudjo! Anenn tumaro tchilatcho koowa, hoi kran, dran mire jaka krik. Mukenn o tchilatchepen!

Gosewe laba 8:13

Kowa, kai kamell o baro Debleha te djiwell, kowa kamell o tchilatchepen gar glan peskre jaka te dikell, kowa dikell gar tele ap o wawareste un phurdell pes gar pre, kowa djal gar i tchilatcho drom, un rakrell kek chochepen.

Hiob 8:20

Penau tuke, o Dewel witsrell kolen gar pestar, kai an o tchatchepen djiwenn. Un job rikrell gar i tchilatchen pash o wast.

2. Rajengro liil 23:25

Kek baro rai his glan leste, kai was jaake har o Josia pash o baro Debleste peskro tselo djijeha un peskro tselo djipah un peskri tseli sorjah, un djiwas jaake har an o Moseskre lila tchinlo hi. Un pal leste his witar kek har job.

Debleskri gili 84:11

Jek diwes ap i platsa glan tiro kheer hi feteder har i serja wawar diwessa. Me kamau budeder te wap tardo pash o wudar glan tiro kheer, har te djiwap pash i tchilatchende.

4. Mose 12:3

O Mose his i mensho, kai kras pes gar bares. Kek mensho his ap i phub, kai his jaake har o Mose un hadas pes gar.

Jesaja 42:1

O baro Dewel penell: Ake, miro budepaskro; les hi miro wast. Me rikrau les, un rodom les mange win, un hom bachtelo pral leste. Miro ducho tchiwom ap leste, te anell lo miro tchatchepen pash i menshende an i tsele themma.

Debleskri gili 18:23

Awa, leskro tselo tchatchepen hi glan mire jaka, un rikrau ap lauter, hoi job kamell, te krap.

Hiob 34:14

Te lals job peske glan, te lell lo peskro djipaskro ducho palpale o menshestar,

Hiob 12:4

Hoske wom mire malenge sapaske? Me dom gole ap o Debleste, un job shunas man. Ninna te hom an o tchatchepen tardo un djau o tchatcho drom, sanenn le man win.

Josua 1:7

Tu, ab soreles un ma traash, un rike tut ap mire tsele laba, hoi penas tuke o Mose, koles miro tchatcho wast his. Ma dja kolendar tele, gar ap i tchatchi rig un witar gar ap i serwi rig, te well halauter mishto, kai tu ninna djah.

Johanni 1:47

Har o Jesus dikas, kai o Natanael was, penas job: “Dikenn, koi well i tchatcho Israelitari. Un kek chochepen hi an leste.”

Ezekiel 40:4

Un ko mursh penas ap mande: Tu, mensho, dik un shun mishto, un de jak ap halauter, hoi sikrau tut. Doleske wal tu kate anlo, te sikrap kowa tuke. Halauter, hoi kate dikal, pen i menshenge dran o kheer Israel!

Debleskri gili 89:20

Glan i rah tsiro rakral tu ap jekeste tire menshendar an i visiona un penal: “Me dom miro wast i tchatcho mursheste, te well lo ap tumari rig. Me rodom les win dran mire menshende, te well lo baro rai.

Debleskri gili 37:27

Muk o tchilatchepen pal tute, un kre o latchepen! Palle nai atcheh hako tsireske khere an o them.

Debleskri gili 36:1

I gili o rajeske pral i gipangre. O David, ko baro Debleskro budepaskro, kras kai gili.

Debleskri gili 34:14

Palle denn garda ap tumari tchip, te rakrell li kek tchilatchepen un kek chochepen!

Nehemia 5:15

Kol wawar themeskre raja glan mande tchiwan pharo koowa ap i menshende. Hako diwes lan le lendar maro un mool un kote pashel gomme 40 (star-deesh) rupene beme. Un kolengre budepangre kran pen ninna rai pral i menshende, jaake har le kaman! Me krom kowa gar jaake, djinom, o Dewel dikell man!

Josua 1:2

“O Mose, koles miro tchatcho wast his, hi mulo. Kanna dja tu un i tsele Israelitarja pral o pani Jordan an ko them, hoi me len dau!

Hiob 2:1

Un was o diwes, kai wan i bolepangre pale khetne pash o baro Debleste un tchiwan pen tardo glan leste. Un o beng his ninna pale mashkral lende.