Hiob 1:3 - O Debleskro Drom 2021 (Sinte)

³ Ninna his les bud vieche: 7.000 (efta-serja) bakre un 3.000 (triin-serja) khamele, un jek serja grumja, kolendar hako kopo dui khetne budran, un 500 (pantch-sheel) djuwelkane burike. Un les his bud bud budepangre. Kek mensho his brawleder har o Hiob an ko them, hoi hi kote tchiddo, kai o kham pral djal.

O Debleskro Lab 2024 (Sinte-Manouche)

³ Ninna his les boud firhe: 7.000 (efta-zerya) bakre oun 3.000 (triin-zerya) khamele, oun yek zerya groumya, kolendar hako kopo douy khetne boudran, oun 500 (panč-sheel) djouvelkane bourike. Oun les his boud boud boudepangre. Kek mensho his bravleder har o Hiob an ko them, hoy hi kote čiddo, kay o kham pral djal.

Hiob 1:3 Referans Kwoze

Hiob 29:25

Me homs lengro pralstuno, un rodom lenge o drom win. Un djiwom mank lende har i baro rai mashkral peskre lurdende. Un rakrom latches kolentsa, kolenge ropaske his.

Hiob 42:12

Un o baro Dewel tchiwas budeder bacht ap o Hiob har glan kowa. Un job las 14.000 (deesh-te-star-serja) bakre un 6.000 (shob-serja) khamele un 2.000 (dui serja) grumja un 1.000 (jek sero) burike.

Čačepangre 6:3

Un hako kopo, kai witsran i Israelitarja o djob an i phub, palle wan i Midianarja un i Amalekarja un wawar menshe kotar, kai o kham pre djala, un peran an o them dren.

4. Mose 23:7

Koi penas o Bileam kal laba: O Balak, ko baro rai pral i Moabarja, mukas man te anell dran o them Aram, dran kol berge, kai o kham pre djala. Un job penas ap mande: Am ap miri rig, un rake i bibacht pral o Jakobeskre menshende win! Awa, am un praasse i Israeleskre menshen!

Gosewe laba 10:22

Te tchiwell o baro Dewel peskri bacht ap tute, weh tu brawelo. Un kowa, hoi tu koi pashel kreh, hi tchitcheske.

1. Mose 12:16

Un doleske kras o baro rai o Abrameske latchepen. Un o Abram las bakre, grumja, burike, khamele un budepangre: mursha un djuwja.

1. Mose 12:5

Job las peskri romjat Sarai peha un peskro phraleskro tchawes Lot. Job las ninna pengro tselo koowa peha, pengre viechen un pengre budepangren, kai lengre an o foro Haran wan. Un jon tserdan win un wan an ko them Kanaan.

1. Mose 29:1

Un o Jakob djas dureder un was an ko them, kai kote tchiddo hi, kai o kham pre djala.

1. Mose 13:6

O Abrameskro brawlepen un o Loteskro brawlepen his jaake baro, kai nashte djiwan jon buder gar khetne. Lengre vieche hatsan gar doha te chal.

2. Familjakro liil 32:29

Un job kras peske forja. Un les his bud bakre un grumja. Ko tselo brawlepen das les halauter o Baro Dewel.

2. Familjakro liil 26:10

Job kras ninna turme an o mulo tato them un hadas bud panjenge brunne win; les his bud vieche an o pralstuno them un an o telstuno them, ninna djobengre hache un moljengre hache ap i berge un ap i berga Karmel. Leske his i hachengri budi ap o dji tchiddo.

2. Rajengro liil 3:4

O Mesha, ko baro rai pral i Moabarja, koles his bud bakre un hunte das ko baro rajes pral Israel sheel serja terne bakre un o bakrengro bal sheel serja mursh bakrendar.

1. Samuel 25:2

Kote his i mursh an o foro Maon. Koles his i baro brawlepen. Les his 3.000 (triin-serja) bakre un 1.000 (jek seri) busja. Leskri phub un leskre vieche his pash o foro Karmel. Un kote his job, har o bakrengro bal tchinlo was.

1. Mose 34:23

Lengre vieche, lengro brawlepen un lauter, hoi len hi, well maro! Kras, hoi jon kamenna, te atchenn le pash mende!”

1. Mose 25:6

Un kol tchawen, kai leskre wawar romjendar bolde wan, das o Abraham kutch koowa pestar. An ko tsiro har job djiwas, bitchras lo len dur krik peskro tchawestar Isaak an ko them, hoi kote tchiddo hi, kai o kham pre-djala.

Čačepangre 8:10

Un o Sebach un o Zalmunna his an o them Karkor. Un 15.000 (deesh-te-pantch-serja) lurde his pash lende, lauter kolla, kai pral atchan kol tsele lurdendar, kai dran o them wan, kai o kham pre djal. Kol wawar mursha, kai nai kuran pen o chareha, wan temerl dino. Kolla his 120.000 (sheel-te-biish-serja) mursha.

Čačepangre 7:12

Un i Midianarja un i Amalekarja un lauter, kai wan kotar, kai o kham pre djal, his kote tchiddo an o telstuno them un tchakran o them har i stepangre. Jaake bud his le. Un lengre khamele his jaake bud, te djinas kek, har bud jon hi. Kolla his jaake bud har i santa pash o baro pani.

1. Samuel 27:9

Un kai o David an kau them dren peras, kote mukas lo kek murshes un kek djuwjat djides, un las i tsele bakre un grumja, burike un khamele, un kol tsele ripja peha, un djas pale pale pash o Achish.

Hiob 1:4

Un leskre mursh tchawe, hakeno lendar, kras i baro chapen an peskro kheer ap peskro diwes. Un jon mukan pengre triin phenjen te well, te chan un pijenn le khetne.

Hiob 1:10

Tu deh jak ap leskro kheer un ap lauter, hoi les hi. Tu tchiwal tiri bacht ap lauter, hoi job an-taprell. Un leskre vieche wan bud un budeder an o tselo them.

Hiob 21:28

Tumer penenn: “Hoi was dran o kheer ko rajestar, kai jaake bud tchilatchepen kras?”

Hiob 31:25

Me stom gar i bachtjatar, te was miro brawlepen baro, un mange jaake bud khetne lom.

Hiob 31:37

Me penaus leske hako koowa, hoi krom an miro djipen, un har i rai waus me glan leste.

Hiob 42:10

Un har o Hiob peskre malenge mangas, las o baro Dewel koi bibacht o Hiobestar krik, un kras les pale brawelo, un das les dui kope jaake bud, har les his.

Jeremia 49:28

Laba pral i menshende an Kedar un pral o them Hazor, hoi o Nebukadnezar, ko rai pral o them Babilonia, peskre lurdentsa dren las. Kawa penell o baro Dewel ap i Babilonarja: Djan an o kurepen i menshentsa an Kedar! Un marenn kolen, kai djiwenn kote, kai o kham pre djal!

1. Mose 24:35

O baro Dewel tchiwas bari soor un bud bacht ap miro rai. Jaake was job brawelo. O Dewel das les bakre un grumja, rup un sonakai, budepangre: mursha un djuwja, ninna khamele un burike.

1. Mose 32:14

Un o Jakob atchas i rati koi. Un las i viechendar, hoi pash leste his, te dell lo len peskro phraleste Esau:

2. Samuel 12:2

Ko braweles his bud bakre un grumja.

2. Rajengro liil 15:20

Ko rup las o Menahem jaake khetne, te tchiwas lo i sijaan ap hako brawelo mursheste an o them Israel. Hakeno lendar hunte plaissras i paash-sheel rupene lowe. Har o baro rai pral Assur kol lowe las, djas lo pale khere peskre lurdentsa, un atchas gar an o them.

1. Familjakro liil 27:30

O pralstuno pral i khamele his o Obil, ko Ismaelari. O pralstuno pral i burike his o Jechdeja dran o foro Meronot.