Hebrearja 1:3 - O Debleskro Drom 2021 (Sinte)

³ O Debleskro tchawo hi railo un baro har o Dewel. Un kowa, hoi hi o Debles an o dji, hi ninna o tchawes an o dji. Dran leskro sorelo lab rikrell lo lauter khetne, hoi job kras. O Debleskro tchawo las mari doosh un maro tchilatchepen mendar, un job beshas pes ap i tchatchi rig o baro Deblestar an o bolepen.

O Debleskro Lab 2024 (Sinte-Manouche)

³ O Debleskro čavo hi raylo oun baro har o Devel. Oun kova, hoy hi o Debles an o dji, hi ninna o čaves an o dji. Dran leskro zorelo lab rikrell lo lauter khetne, hoy yob kras. O Debleskro čavo las mari doosh oun maro čilačepen mendar, oun yob beshas pes ap i čači rig o baro Deblestar an o bolepen.

Hebrearja 1:3 Referans Kwoze

Debleskro tsiro 4:11

“Tu, o Dewel, maro rai, tu hal moldo, te less o railepen, un o sharepen, un i soor. Tu kral o bolepen un i phub. Jaake, har tu kamal, jaake kral tu kowa, un was kowa.”

Johanni 1:14

Ko lab was i mensho, un djiwas pash mende. Un mer dikam leskro railepen un leskri soor, kai o Dewel peskro tchawes das. Kowa his pherdo latchepen un tchatchepen.

2. Korintarja 4:4

Jon patsenn gar ap leste. O beng, kai o rai hi pral kai phub, kras len korelo, te dikenn le gar, hawo latchepen well dran o latcho lab o Jesus Kristestar. Ko lab sikrell men o Jesuseskro railepen. Un job hi jaake har o Dewel.

Hebrearja 12:2

Te dikas ap o Jesus Kristeste! Kowa anas men ap o Debleskro drom, un djal glan mende, bis te wah pash leste. O Jesus Kristo meras ap o trushel. Ninna te his kowa i ladj leske, las lo kau merepen ap peste. Job djinas, pal kowa well i bari bacht ap leste. Un kanna hi lo beshdo ap o Debleskri tchatchi rig.

Johanni 1:4

An leste his o djipen. Un ko djipen his i bari momeli i menshenge.

Hebrearja 10:12

O Jesus Kristo das pes jek kopo an o merepen, te lell lo i doosh i menshendar krik, un beshas pes hako tsireske ap o Debleskri tchatchi rig. Kote dikell lo ap ko diwes, kai wenn kolla tel leskre pire tchiddo, kai kaman les gar.

Judas 1:25

Sharas koles, kai kokres o Dewel hi! Job las men dran o tchilatchepen win, har maro rai, o Jesus Kristo, menge meras. Maro Dewel hi o baro rai. Les hi i tseli soor kanna un glan kau tsiro un an ko tsiro, hoi wella. Amen.

Hebrearja 9:26

Te wals kowa gar jaake, hunte merals lo bud kope jaake rah, har i phub koi hi. Job was kanna an kau tsiro, kai mer djiwah, te merell lo, un te lell lo jek kopo hako tsireske i doosh i menshendar.

1. Johanni 1:7

Mer te djiwah khetne o Debleha an o tchatchepen, jaake har o Dewel an o tchatchepen tardo hi, palle nai ham mer ninna lauter khetne an o tchatchepen. Un o rat leskro tchawestar thowell mari tseli doosh mendar tele.

Hebrearja 4:14

Men hi i baro rashai. Kowa hi o Jesus, o Debleskro tchawo. Job djas pash o Debleste an o bolepen, te mangell lo les menge. Doleske mukas mer gar tele, te rikras soreles ap maro patsepen.

1. Johanni 3:5

Tumer djinenna, kai o Jesus Kristo was, te lell lo ko tchilatcho koowa krik, hoi kram. Tumer djinenn ninna, kai an leste kek tchilatchepen hi.

2. Petro 1:16

Mer penam tumenge, te well maro rai, o Jesus Kristo, i bari sorjah pale. Kowa hi kek gosewi parmissa. Na-a. Mer dikam leskro baro railepen mare jakentsa.

1. Petro 1:21

Job anas tumen ap o Debleskro drom. O Dewel kras les i mulendar djido, un das les peskro railepen. Doleske tchiwenn tumaro tselo patsepen ap leste!

Hebrearja 8:1

Kowa hunte djinenn tumer: Men hi i baro rashai, kowa hi o Jesus Kristo. An o bolepen hi lo beshdo ap i tchatchi rig o Deblestar.

Markus 16:19

Har o rai Jesus jaake lentsa rakras, was lo pral an o bolepen hadedo, un beshas pes ap o Debleskri tchatchi rig.

Debleskri gili 75:3

“Te was miro tsiro”, penell o Dewel, “rakrau o tchatchepen win pral hakeneste.

Debleskro tsiro 3:21

Kowa, kai soreles an o patsepen atchas, un gar pre das, kowa nai beshell pes mantsa ap miro rajeskro beshepaskro, jaake har me ninna soreles tardo homs, un me beshom man miro dadeha ap leskro rajeskro beshepaskro.

Hebrearja 7:27

Job hi gar har kol wawar bare rashaja, un hunte anell gar hako diwes i maredo vieches o Debleske, te well peskri doosh krik lino. Ninna hunte anell lo gar i wawar menshenge marede viechen o Debleske, te well lengri doosh krik lino. Na-a, job kokres das peskro djipen an o merepen jek kopo hako tsireske.

Bičepangre 2:33

Un o Dewel kras les rai pral halauter, un tchiwas o Debleskro Ducho ap leste, jaake har job penas. Un ko Debleskro Duches tchiwas o Jesus ninna ap mende. Kawa shunenn un dikenn tumer kate.

Johanni 1:29

Ap o wawar diwes dikas o Johanni, kai o Jesus pash leste wella. Un o Johanni penas: “Dikenn, kawa hi o Debleskro bakro, kai lell i menshengri doosh ap peste.

Kolossarja 3:1

O Dewel kras tumen o Jesus Kristeha i mulendar djido. Doleske tchiwenn tumaro dji ap kowa, hoi hi an o bolepen! Kote hi o Jesus Kristo ap i tchatchi rig o Deblestar beshdo!

Remarja 8:34

Kek nai penell ap mende: Tu djal nashedo! O Jesus Kristo meras menge. Un kowa hi gar lauter. O Dewel kras les ninna i mulendar djido. Un job hi ap leskri tchatchi rig, un rakrell menge mishto.

Bičepangre 7:56

Un o Stefano penas: “Me dikau o bolepen pre, un o Menshengro Tchawes ap i tchatchi rig o Deblestar tardo.”

Debleskri gili 110:1

I gili o Davidestar. O baro Dewel penas ap miro baro rajeste: “Besh tut ap miri tchatchi rig! Kamau te tchiwap kolen tel tire herja, kai tuke tchilatchepen kamenn.”

1. Familjakro liil 29:11

Baro Dewel, tu hal o baro rai, hal sorelo, railo, sorleder har hako wawar, un o pralstuno pral hako wawareste. Halauter, hoi an o bolepen un ap i phub hi, hi tiro. Tu hal o rai pral i tsele themma, un tut hi penepaske pral halauter.

Remarja 1:16

Me ladjau gar glan i menshende, te penap lenge o latcho lab o Jesus Kristestar. An kau lab hi o Debleskri soor. Un o Debleskri soor lell kolen dran o tchilatchepen un o merepen win, kai ap ko lab patsenna, – i bibolden un kolen, kai kek bibolde hi.

Micha 5:4

Un job anell lenge i latcho tsiro. Te wenn i lurde dran o them Assur an maro them, un phagenn an mare khera dren, tchiwah mer sorele pralstunen un rajen pre, te rikrenn le len pale.

Sikepaskro 8:4

An o baro rajeskro lab hi sorlepen, un kek nai penell ap leste: Hoske kreh tu kowa?

Hiob 37:22

Fun kotar, kai norden hi, well tchomone har sonakai. O Dewel well an peskro railepen. Ko railepen trul leste krell men daar.

Hebrearja 9:16

Te hi jekes i shukar brawlepen, hoi kamell lo i wawares te dell pal peskro merepen, palle tchinell lo kowa an i liil. Pal leskro merepen lell ko wawar ko brawlepen, jaake har an ko liil tardo hi. Job nai lell kowa gar jaake rah, har ko wawar gomme djiwella. Na-a, kowa hunte meras.

Mateo 22:24

Jon penan ap leste: “Sikepaskro, o Mose penas: Te merell i romedino mursh, un les his kek tchawe, palle hunte romedinerell peskro phraal koi romjat, te well peskro phraleske i ternepen boldo.

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

Hebrearja 1:13

Ap kekeste peskre bolepangre penas lo kowa, hoi job ap peskro tchaweste penas: Besh tut ap miri tchatchi rig! Un me krau, te wess tu o rai pral kolende, kai chan pen ap tute.

2. Petro 1:17

O Dewel, leskro dad, das les peskro baro railepen un sharas les, har job dran o bolepen ap leste penas: “Kawa hi miro tchawo, koles me o djijestar kamau. Job krell man bachtelo.”

3. Mose 15:15

Ko rashai marell koi jek, te well ko pale-tchiddo koowa krik lino, un koi wawar, te well li tseles chatchedo o baro Debleske. Jaake krell o rashai, te well ko mursh, kai dran peskro nasslepen pale-tchiddo his, pale erligo glan o baro Debleste.