Haggai 2:9 - O Debleskro Drom 2021 (Sinte)

⁹ Kau kheer te well shukeder har miro ersto kheer his. Un me kamau tumen bacht te dell an kau foro, penell o baro Dewel, ko rai pral o bolepen un i phub.

O Debleskro Lab 2024 (Sinte-Manouche)

⁹ Kava kheer te vell shoukeder har miro ersto kheer his. Oun me kamau t'men barht te dell an kava foro, penell o baro Devel, ko ray pral o bolepen oun i phoub.

Haggai 2:9 Referans Kwoze

1. Timoteo 3:16

Tchatchepah, an maro patsepen hi i baro tchatchepen: O Debleskro tchawo was i mensho. Hoi job kras, hi tchatcho. Ko sikras men o Debleskro Ducho. I bolepangre dikan ap leste. An i tsele themma rakran le lestar. Ap i tseli phub patsan le ap leste. An o bolepen las les o Dewel pash peste.

Johanni 14:27

Ninna te hom me gar pash tumende, atchell koi bacht, hoi me dom tumen, an tumare djia. Me dau tumen miri bacht. Koi bacht nai denn tumen gar i menshe ap kai phub. Ma trashenn! Ma awenn dareno!

Johanni 1:14

Ko lab was i mensho, un djiwas pash mende. Un mer dikam leskro railepen un leskri soor, kai o Dewel peskro tchawes das. Kowa his pherdo latchepen un tchatchepen.

Louka 2:14

“Baro hi o Debleskro railepen an o bolepen! O Debleskri bacht well ap i phub. Job dikell latches ap i menshende.”

Jakobo 2:1

Mire phrala, tumer patsenn ap maro rajeste, o Jesus Kristeste. Job hi o rai pral i tsele rajende. Doleske, ma dikenn ap i menshende, koon jon hi, un har brawelo jon hi!

Bičepangre 10:36

Job mukas i biboldenge o latcho lab te penell, te hi o Jesus Kristo kowa, kai anell len pash o Debleste. Job hi gar lengro rai kokres, na-a, job hi o rai pral halauter.

Micha 5:5

Pengre charentsa lenn le o them Assur dren – ko them o murshestar Nimrod – un wenn i raja pral lende. Te phagenn i lurde dran o them Assur an maro them dren, un kamenn les dren te lell, palle lell men maro newo rai dran lengre wasta win.

Jesaja 60:7

I tsele bakre dran Kedar un Nebajot wenn anlo pash tute, te wenn le maredo un chatchedo o baro Debleske, te dikell lo latches ap tute. Un jaake krell o baro Dewel peskro railo kheer gomme shukeder.

Jesaja 66:12

Kawa penell o baro Dewel ap o foro Jerusalem: Dik, me mukau bud latchepen pral tute te well har i lengsto pani. Un o brawlepen dran wawar themma nashell an tute har i diwjo pani. Me dau garda ap tute har i dai ap peskro ternepen, hoi hidjrell li ap i wasta, un tchiwell les ap peskre herja un khelell leha.

Haggai 1:8

Djan ap i berge un lenn kasht, un krenn miro kheer shukar! Kowa hi mange mishto, un jaake wau sharedo, penell o baro Dewel.

Haggai 2:3

Koon tumendar hi gomme koi, kai dikas kau kheer, har lo an peskro shukester tsiro win dikas? Un har dikenn les tumer kanna? Hi tchi leskro shukapen pral!

Zakarie 2:5

An i wawar dikepen dikom i terno murshes i dorjah an peskro wast, te dikell lo pal, har baro tchomone hi.

Ezekiel 43:5

Un o ducho hadas man pre un anas man ap koi tikni glanstuni platsa. Un dikom o baro Debleskro railepen, kolestar o kheer pherdo his.