Haggai 1:9 - O Debleskro Drom 2021 (Sinte)

⁹ Tumer kamenn bud, un gar bud hi, hoi lenn tumer. Un te kamenn kowa khere te anell, lau les tumendar. Hoske kowa? penell o baro Dewel, ko rai pral o bolepen un i phub. Miro kheer hi paash dino un tchiddo an kotja. Un hakeno tumendar dikell kokres ap peskro kheer.

O Debleskro Lab 2024 (Sinte-Manouche)

⁹ T'mer kamenn boud, oun gar boud hi, hoy lenn t'mer. Oun te kamenn kova khere te anell, lau les t'mendar. Hoske kova? penell o baro Devel, ko ray pral o bolepen oun i phoub. Miro kheer hi paash dino oun čiddo an kotya. Oun hakeno t'mendar dikell kokres ap peskro kheer.

Haggai 1:9 Referans Kwoze

Haggai 1:4

Hi ko tsiro kai, te beshenn tumer an shukar kerde khera, un miro kheer hi paash dino un tchiddo an kotja?

Debleskro tsiro 3:19

Lauteren, kai kamau o djijestar, kolende sikrau lengri doosh, un penau lenge dawentsa, te shunenn le ap mande. Mukenn kanna tumaro tchilatcho drom, un awenn pale ap miro drom!

Haggai 1:6

Tumer budrenna ap tumari phub, un anenn gar bud dren. Tumer chan un wenn gar tchalo; tumer pijenn un tumari trush atchella; tumer riwenn tumen latches an, un tumenge well gar tates. Un kones lowe hi, kowa tchiwell len an i possita, kai i cheb dren hi.

Jesaja 40:7

Te phurdell o baro Dewel pral lende, well o khass djelto, un i bluma perell tele. Tchatchepah, i menshe hi har khass!

Debleskro tsiro 2:4

Jek koowa hi pash tumende, hoi hi gar mishto: Tumer kamenn man buder gar o tselo djijestar, jaake har kowa his ap ko tsiro, har tumer patslo wan. Tumaro dji mukas man.

Hiob 10:2

Me penau ap o Debleste: Ma pen: Doosh hi ap tute! Pen mange, hawi doosh tu ap mande hatsal?

2. Rajengro liil 19:7

Me krau, te penell jek tchomone ap o baro rajeste, hoi les tradell, te djal lo pale an peskro them. Un kote krau, te well lo maredo o chareha.’”

2. Samuel 22:16

Kote was o telstunepen tel i panja diklo, un i telstuni phub was pre-tchakedo, har tu, baro Dewel, tchingral un trad dal an tiri choli.

2. Samuel 21:1

An ko tsiro, kai o David djiwas, was i bari bok pral o them, un i menshen his triin bersh tchi te chal. Un o David putchas o baro Deblestar, hoske kowa jaake hi. Un o baro Dewel penas: “Ap o Saul un ap leskro kheer hi i rateskri doosh tchiddo, doleske, kai o Saul das kol Gibeonarjen mulo.”

Gosewe laba 27:20

O mulengro them well gar tchalo. Jaake hi ninna i menshengre jaka: Jon lenn gar doha.

Sikepaskro 1:8

Khines krell man halauter, hoi i menshe rakrenna, un kek nai hatsell i tchatche laba. O jak nai dikell pes gar tchales, un o kand nai shunell pes gar tchales.

Ezekiel 21:31

Me, o baro Dewel, tiro rai, penau tuke: Krik ko dikleha trul tiro shero! Le i rajeskri stadi tele! Tchi atchell har his. Kowa, kai pral his, well tele. Un kowa, kai tele his, well pral!

3. Mose 19:25

An o pantchto bersh chan tumer kowa, hoi kol ruka hidjrenn. Te krenn tumer kowa jaake, palle well kowa hoi tumen dren lenn, budeder un budeder. Me, o baro Dewel, hom tumaro Dewel.

5. Mose 28:38

Tumer witsrenn bud djob ap tumari phub win, un anenn kokres i wast pherdo dren. I stepangre chan halauter pre.

Gosewe laba 11:24

Kote hi jek, kowa dell un dell; un job lell budeder un budeder. Un kote hi i wawar, kowa hi tchinlo un dell tchi; un well tchorwleder.

Jesaja 5:10

Ap deesh hektarja drakengro them wenn drake bares, hoi denn gar budeder har ochta litarja mool. Un sheel kilogramme djob, hoi wi-witsedo wan an i phub, anenn gar budeder har deesh kilogramme djob.

Jeremia 12:13

Mire menshe tchiwan djob an i phub, un subjengro senlepen lan le khetne. Jon maran pen tele, un lan tchi dran lengri phari budi. Lauter his tchitcheske! His koi bari choli o baro Deblestar, hoi kras lauter paash.