Habakuk 3:3 - O Debleskro Drom 2021 (Sinte)

³ O Dewel well dran o them Teman, dran kol berge, hoi kharenn Paran. O bolepen hi pherdo leskro railepen. Un ap i tseli phub sharenn les i menshe.

O Debleskro Lab 2024 (Sinte-Manouche)

³ O Devel vell dran o them Teman, dran kol berge, hoy kharenn Paran. O bolepen hi pherdo leskro raylepen. Oun ap i tseli phoub sharenn les i menshe.

Habakuk 3:3 Referans Kwoze

5. Mose 33:2

O baro Dewel was un rakras mentsa pash i berga Sinai. Job was jaake har o kham pre djal pral i berge Seir. Mer dikam leskro railepen har hams pash i berga Paran. Khetne leha wan bud serja bolepangre. Ap leskri tchatchi rig his i jag.

Obadja 1:9

Un i sorele kurepangre an o foro Teman lenn bari daar. Doleske well hakeno ap i berge Esau maredo.

Amos 1:12

Me bitchrau i jag an o foro Teman, un chatchrau i sorele khera tele an o foro Bozra.

Debleskri gili 4:4

Dikenn un haiwenn: O baro Dewel rodas kolen win, kai kamenn les o tselo djijestar. O baro Dewel shunell man, te dau ap leste gole.

Jeremia 49:7

Laba pral i Edomarja. Kawa penell o baro Dewel, ko rai pral o bolepen un i phub: Hi kanna buder kek goswepen an o foro Teman? Djinenn i gosewe buder gar, hoi te krenn le? Tserdas pes o goswepen lendar krik?

Jesaja 6:3

Un jek das ap o wawareste gole un penas: Latcho - un tchatcho - har kek wawar - hi o baro Dewel, ko rai pral o bolepen un i phub. I tseli phub hi pherdo leskro railepen!

Debleskri gili 68:17

Tumer berge, tumer bergetikre sherja, hoske silwerenn tumer ap koi berga, kolat o Dewel peske win rodas, te djiwell job kote? Awa, hako tsireske atchell o baro Dewel koi.

5. Mose 5:24

un penan: “Dik, maro baro Dewel sikras men peskro railepen un barepen. Un mer shunam leskro rakepen dran i jag win. Kau diwes haiwam mer, te rakrell o baro Dewel i menshentsa, un o jon atchenn djides.

1. Mose 21:21

Un job djiwas an ko mulo tato them, hoi kharella ‘Paran’. Un leskri dai las leske i romni dran o them Egiptia.

Jesaja 64:3

An kek tsiro shunas jek i deblestar jaake har tu hal. Kek kand shunas sawestar, un kek jak dikas i debles, kai krell sawo baro koowa kolenge, kai dikenn ap leste.

Debleskri gili 48:10

Maro Dewel, kate an tiro kheer mukah menge tiro latchepen an o shero trujel te djal.

Debleskri gili 9:20

Baro Dewel, ste pre! Muk i menshen gar te hadenn le pen pral tute! An i menshen dran i tsele themma glan tute! Un rake o tchatchepen pral lende win!

Debleskri gili 9:16

I menshe an wawar themma, peran an koi cheb, hoi jon i win hadan. An koi netsa, hoi jon win tchiwan, tapran le pen kokres.

Debleskri gili 3:4

Tu, baro Dewel, rike tiro wast pral mande! Tu hal kowa, kai miro shero pale hadell, te hunte ladjap man gar.

Debleskri gili 3:2

Baro Dewel, dik, har bud hi kolla, kai ap mande djan! Dik, har bud hadenn pen ap mande!

1. Samuel 25:1

Un o Samuel meras, un o tselo Israel was khetne un rowas kote pral leste. Un palle paskran le les an o foro Rama, kai lo khere his. Pal kowa djas o David an o mulo them Paran.

4. Mose 10:12

Un kol Israelitarja djan dran ko mulo tato them Sinai. Un koi wolka djas glan lende un atchas tardo an ko mulo tato them Paran.

2. Mose 20:18

Un i tsele Israelitarja shunan, har o bolepen gole das, un dikan, har jag dran o bolepen tele karje das. Ninna shunan le, har jek ap i phurdepaskri phurdas, un dikan i jagakro ducho. Un har jon kawa shunan un dikan, nashan le penge un atchan i kotar dureder tardo un trissan i darjatar.

1. Mose 36:11

O Elifas las tchawe. Kolla his: o Teman, o Omar, o Zefo un o Gatam un o Kenas.

Debleskri gili 113:4

O baro Dewel hi o rai pral i menshende an hake themma. Leskro railepen djal dur pral o bolepen.

Debleskri gili 148:13

Kolla lauter mu sharenn o baro Debleskro lab. Leskro lab hi bareder har i tsele wawar laba. Leskro railepen djal pral i phub un o bolepen.

Jesaja 31:1

Djungeles djal kolenge, kai djan tele pash i Egiptarjen, te mangenn le lendar, te wenn jon lenge ap i rig; un patsenn, kai kolengre graja un bud kurepaskre wurdja un kol sorele klissepangre len win lenn dran i tchilatche wasta. Un ap o Israeleskro Debleste, kai kokres o Dewel hi, dikenn le gar. Awa, pal o baro Debleste putchenn le gar!

1. Rajengro liil 11:18

Un jon wan an o them Midian, un djan dureder an o mulo them Paran. Un dran Paran lan le murshen pentsa, un wan an o them Egiptia pash o Farao, ko rai pral Egiptia. Kowa das o Hadadeste i kheer, chapen un i kotar phub.

Ezekiel 43:2

Un kote dikom, har was o railepen o Israeleskro Deblestar fun kotar, kai o kham pre djal. Khetne ko railepen was i gole, har i gole, hoi bare panja denn. Un dran o railepen was i momeli ap o tselo them.

Habakuk 2:14

Jaake har o baro pani pherdo pani hi, well i tseli phub pherde menshe, kai djinenn, har railo o baro Dewel hi.