Habakuk 1:4 - O Debleskro Drom 2021 (Sinte)

⁴ O tchatchepen nashrell peskri soor, un well buder gar win rakedo. Kowa hoi i tchatchepangre mursha penenn, dell i tchilatchenge tchatcho un gar i latchenge. Jaake well dran o tchatchepen chochepen.

O Debleskro Lab 2024 (Sinte-Manouche)

⁴ O čačepen nashrell peskri zoor, oun vell bouder gar vin rakedo. Kova hoy i čačepangre morsha penenn, dell i čilačenge čačo oun gar i lačenge. Yaake vell dran o čačepen rhorhepen.

Habakuk 1:4 Referans Kwoze

Debleskri gili 119:126

Kanna hi o tsiro, kai o baro Dewel hunte krell tchomone. Jon peran tiro dromestar tele.

Hiob 21:7

Hoske atchenn kol tchilatche djido wenn phuro, un lengri soor well bareder?

Jeremia 12:1

Baro Dewel, kamoms gar te penap, kai tu doosh ap tute anal. Djinau, tu hal an tiro tchatchepen. Ninna te hi jaake, kamau te putchap tutar, har nai haiwap tiro tchatchepen. Hoske djal kolenge mishto, kai djiwenn i tchilatcho djipen? Hoske hi kolen, kai tutar krik djan, halauter, hoi len hunte well?

Ezekiel 9:9

Un job penas ap mande: I doosh, hoi i menshe dran o kheer Israel un dran o kheer Juda ap pende anan, hi jaake bud. Bud marepen hi an o them. Un an o foro rikrenn i sorele i wawaren sorjah tele. Un jon penenn: “O baro Dewel djas peske dran kau them. Job dikell men gar!”

Amos 5:12

Me djinau ko bud tchilatcho koowa, hoi kran tumer. Un dikau, har baro tumari doosh hi. Tumer rikrenn tumen gar pale, latche menshen palla te lell, un mukenn tumen te ginell. Kek tchatchepen denn tumer i tchorwelen.

Hosea 10:4

I bare raja krenn bud laba, denn pen chochene sobja, un krenn pen wawar thementsa khetne. Kowa, hoi kharenn le ‘tchatchepen’, hi har ko tchilatcho senlepen, hoi well baro ap i hachetikri phub un anell o merepen.

Jesaja 5:20

Djungelo djal kolenge, kai penenn ap o tchilatchepen ‘kowa hi latcho’, un ap o latchepen ‘kowa hi tchilatcho’. I rati kharenn le ‘diwes’, un o diwes kharenn le ‘rati’. Shutlo koowa hi lenge gudlo, un gudlo koowa hi lenge shutlo.

5. Mose 16:19

Te hal tu i tchatchepaskro, hunte dess tu koles peskro tchatchepen, koon an o tchatchepen hi. Tu dikess gar koi pre, koon glan tute tardo hi. Te dell jek tut kutch koowa, te dess tu les tchatchepen, ma le kowa an! Koon sawo shukar kutch koowa an-lell, well korelo o tchatchepaske, un dikell buder gar, koon an o tchatchepen hi.

2. Mose 23:6

Te hal tu i tchatchepaskro, hunte dess tu koles peskro tchatchepen, koon an o tchatchepen hi, ninna te hi lo tchorwelo.

2. Mose 23:2

Ma rike pash kolende, hoi djan ap i tchilatcho drom, ninna te hi jon bud! Te putchenn tutar i tchatchepangre, ma pen tchomone wawares har o tchatchepen, ninna te chochenn i tsele wawar.

Remarja 3:31

Witsrah mer kanna kol laba ap i rig, kai o Dewel penella, har te djiwas? Na-a, kanna, kai patsah, nai krah tchatchepah, hoi o Dewel kamella.

Bičepangre 7:59

Har jon ap leste i barrentsa witsran, das o Stefano gole: “Rai Jesus, le man pash tute!”

Bičepangre 7:52

Penenn mange: Dell jek Debleskro rakepaskro, kai lan tumare phure gar palla? Jon maran kolen, kai glan-wi penan, te well ko jek, kai hako tsiro o tchatchepen krella. Job was, un tumer phukran ap leste un maran les.

Markus 7:9

Un pale penas lo ap lende: “Tumer haiwenn mishto o Debleskre laba ap i rig te tchiwell, te nai krenn kowa, hoi tumare phure tumenge penan.

Debleskri gili 94:3

Baro Dewel, har rah nai krenn pen i tchilatche bares? Har rah?

Debleskri gili 59:4

Dik, baro Dewel, har jon lurenn, te marenn le man! Fothe krom me tchi, un kek doosh ap mande hi, djan sorele mursha khetnes ap mande.

Debleskri gili 59:2

Le man win dran i wasta kolendar, kai kamenn mange tchilatchepen, miro Dewel! An man krik kolendar, kai ap mande djan!

Amos 5:7

Bibacht ap tumende, tumer rissrenn o tchatchepaskre laba, un stakrenn ap o tchatchepen trujel!

Jeremia 12:6

Ninna tire phrala un i menshe dran tiro dadeskro kheer mukan tut te perell, un dan tchilatches gole pal tute har kol wawar. Dik tut glan lendar, ninna te rakrenn jon kamlo tuha.

Debleskri gili 22:16

Miri meen hi truk. Ninna miro tchip hi buder gar sapeno, un tu tchiwal man an o merepaskri tchik.

Debleskri gili 11:3

Te perell lauter an kotja, nai krell kowa tchi, kai an o tchatchepen tardo hi.”

1. Rajengro liil 21:13

Palle wan kol dui tchi-molde, un beshan pen wergel leste, un anan tchomone pre ap leste un penan glan i tsele menshende: “O Nabot praassas o Debles un o baro rajes.” Palle was lo dran o foro anlo, un jon witsran ap leste barra, jaake meras lo.

Debleskri gili 22:12

Atch gar dur mandar, man hi daar, un kek hi ap miri rig tardo.

Jesaja 59:12

Baro Dewel, bud kope peram tutar tele. Mari doosh, hoi mer ap mende lam, sikrell har tchilatcho ham. Ko tchilatchepen, hoi kram, hi glan mare jaka, un mer djinah, hawo djunglepen ap tute kram:

Jeremia 8:7

O storcho tel o bolepen djinell peskro tsiro, un kol wawar tchirkle rikrenn o tsiro dren, kai wenn le pale.