Gosewe laba 9:8 - O Debleskro Drom 2021 (Sinte)

⁸ Te peneh i pre-phurdes, kai kowa, hoi lo kras, gar mishto hi, palle well lo chojedo ap tute. Te peneh i gosewes, kai kowa, hoi lo kras, gar mishto hi, palle kamell lo tut.

O Debleskro Lab 2024 (Sinte-Manouche)

⁸ Te peneh i pre-phourdes, kay kova, hoy lo kras, gar mishto hi, palle vell lo rhoyedo ap toute. Te peneh i goseves, kay kova, hoy lo kras, gar mishto hi, palle kamell lo tout.

Gosewe laba 9:8 Referans Kwoze

Debleskri gili 141:5

Latche menshe mu denn man i phagi, un tchingrenn mantsa an o latchepen. I tchilatchendar kamau gar, te sharenn le man. Un me mangau o Deblestar, te krenn le mange kek tchilatchepen.

Gosewe laba 13:18

An tchorwlepen un ladj well kowa, kai mukell pes tchi te penell. An-diklo well kowa, kai shunell, te well lo trad dino.

Gosewe laba 23:9

Ma rake an i kanda i dinelestar! Ap tiro goswepen dikell job tele.

Gosewe laba 15:12

O pre-phurdo choirell pes pral koleste, kai leske penell, hoi lo gar mishto kras. Un job djal gar pash kolende, kai gosewo hi.

Mateo 7:6

Ma witsrenn gar o Debleskro brawlepen glan i djuklende, te djan jon gar ap tumende pre! Ma witsrenn gar i kutch barra glan i balende, te stakrenn le len gar i pirentsa khetne.

Gosewe laba 29:1

Koon mukell pes tchi te penell, un djal hako tsiro pal peskro shero, sawo wella ap jek kopo phagedo, un kek hi palle koi, kai hadell les pale pre.

Gosewe laba 28:23

Te peneh jekeske, hoi job gar mishto kras, palle well ko tsiro, kai parkrell lo pes pash tute. Un kowa budeder, har te rakrals leske pal o mui.

3. Mose 19:17

Te choiral tut pral jekeste tire menshendar, ma hidje tiri choli tuha trujel. Pen leske, hoi lo gar mishto kras, te aness kek doosh ap tute.

Mateo 15:14

Mukenn le te rakrell! Jon hi korele un kamenn i korelen ap o wast te lenn. Un te lell i korelo i koreles ap o wast, perenn hake dui.”

1. Rajengro liil 1:23

Un jon penan o baro rajeske: “Kate hi o Debleskro rakepaskro, o Natan.” Un har was job dren glan o baro rajeste, peras lo ap peskre tchanga glan o baro rajeste un atchas ap peskro mui glan leste tchiddo ap i phub.

1. Rajengro liil 22:8

O baro rai pral Israel penas ap o Josafat: “Kate hi gomme jek mursh, o Micha, koleskro dad o Jimla hi, kowa nai putchell menge o baro Deblestar. Man hi i choli ap leste. Hako kopo, kai penas lo mange tchomone glan-wi, his les kek latcho lab mange, kokres djungele laba his les mange.” O Josafat penas pale pale: “Tu, o baro rai, hunte rakress gar jaake!”

1. Rajengro liil 1:32

Un o baro rai David penas: “Denn mange gole o rashajes o Zadok, un o Debleskro rakepaskres o Natan un o Benaja, koleskro dad o Jojada his!” Un jon wan glan leste.

Gosewe laba 10:8

Koles, kai i gosewo dji hi, rikrell pes ap kol laba, hoi leske penlo wan. jek, kai dinelo koowa rakrell, nashrell halauter.

Gosewe laba 13:1

I gosewo tchawo shunell ap peskro dadeste, te penell job leske, hoi lo gar mishto kras. I pre-phurdo sal un shunell ninna gar, te well lo trad dino.

Gosewe laba 19:25

Te deh tu jekes, kai pral halauter sal, palle wenn kolla gosewo, kolen tchi an o shero hi. Un te tchingreh koleha, kai haiwell, hoi mishto un gar mishto hi, palle haiwell lo gomme budeder.

Jesaja 36:21

Un i menshe shunan, har lengro baro rai penas “Ma penenn tchomone!” Un atchan pokones, un penan kek lab.

Gosewe laba 1:5

Kolla, kai gosewo hi, shunenn, har te wenn le gomme gosweder. Kolla, kai siklo hi, hatsenn, har te djan le pengro drom.

Gosewe laba 23:23

Muk tuke o tchatchepen un o goswepen bud moldo te well! Muk tuke hako tsiro tchomone te penell, te haiwess lauter mishto.