Gosewe laba 8:36 - O Debleskro Drom 2021 (Sinte)

³⁶ Kowa, kai gar pash mande well, krell peskro djipen paash. Hakeno, kai kamell tchi mandar te djinell, hi ap o drom, hoi anell an o merepen.

O Debleskro Lab 2024 (Sinte-Manouche)

³⁶ Kova, kay gar pash mande vell, krell peskro djipen paash. Hakeno, kay kamell či mandar te djinell, hi ap o drom, hoy anell an o merepen.

Gosewe laba 8:36 Referans Kwoze

Gosewe laba 15:32

Koon gar shunell, te well lo trad dino, tchinell pes an peskro mass. Koon mukell pes tchomone te penell, kowa well gosweder.

Gosewe laba 1:31

Doleske hunte chan le, hoi ap lengre dromma bares was. un wenn tchalo kolestar, hoi an lengre sherja trujel djas.

1. Korintarja 16:22

Koon o Jesuses, maro rajes, gar kamella, ap koleste well i bibacht! Maranatha!

Gosewe laba 20:2

I baro rai, te dell lo trad, palle hi kowa, har te dell i lewo gole. Kowa, kai leskri choli ap peste tserdell, nashrell peskro djipen.

Gosewe laba 12:1

Koleske, kai kamell gosewo te well, hi shukar, te well leske penlo, hoi lo gar mishtes kras. Kowa, kai mukell pes tchi te penell, atchell dinelo.

Hebrearja 10:29

Te his kowa jaake koleha, kai kras gar, hoi o Mose penas, kitse sorleder well o Debleskri choli pral koleste, kai o Debleskro tchawes pestar stakrella, un krella, har te wals o Jesus Kristeskro rat tchi moldo. Un kau rat lals peskri doosh krik, un krals les erligo glan o Debleste. O Debleskro Ducho his leske latches, un job dukras les.

Ezekiel 18:31

Mukenn tumare tchilatche dromma! Un lenn tumenge i newo dji un i newo ducho! Hoske kamenn tumer te merell, tumer dran o kheer Israel?

Hebrearja 2:3

Mer te djah gar ap o newo drom, kai lah o djipen, hoi gar pre-herella, palle wella o Debleskri choli pral mende. Kau newo drom sikras men maro rai Jesus. Un leskre laba hi o tchatchepen. Kolla, kai les shunan, penan les menge.

Bičepangre 13:46

O Paules un o Barnabes his kek traash lendar, un penan lenge: “Tumenge hunte was o Debleskro lab glan kol tsele wawar menshende penlo. Har kamenn tumer kanna tchi kolestar te djinell, sikrenn tumer, te han gar moldo, te lenn ko djipen, hoi gar pre-herella. Doleske djah mer kanna pash kolende, kai hi kek bibolde.

Ezekiel 33:11

Pen ap lende: O baro Dewel, maro rai penell: Me dau man sowel pash miro djipen: Mange hi gar shukar, te merell o tchilatcho mensho. Na-a me kamaus, te djal lo peskro tchilatcho dromestar tele, un djiwell lo! Doleske, djan tele tumare tchilatche dromendar! Hoske kamenn tumer te merell, tumer dran o kheer Israel?

Gosewe laba 21:6

Ko brawlepen, hoi khetne anlo was o chochepah, hi har o ducho, hoi sik krik djal kolendar, kai o merepen rodenna.

Hiob 35:6

Koi doosh, hoi tu ap tute leh, kolah nai kreh tu tchi ap o Debleste. Te kral bud tchilatcho koowa, nai kreh tu leske tchi koleha.

Gosewe laba 1:32

Kolen tchi an o shero hi, kolla rissrenn o Debleske o dumo; un kowa anell lenge o merepen. Un lengro pre-phurdepen marell len.

Jesaja 3:9

O tchilatchepen dikell dran lende win. Un jon anenn doosh ap pende un kolah sharenn le pen ninna gomme, jaake har kol menshe an o foro Sodom ninna kran. I bibacht well ap lende, koja anenn jon kokres pengro djungelo djipah pral pende!

Jeremia 27:13

Hoske kamenn tumer te merell, tu un tire menshe, te well o kurepen, i bok un o nasslepen pral tumende, jaake har o baro Dewel penas, te well kowa pral kol menshende, kai kamenn gar te krell, hoi o baro rai dran Babilonia lendar kamell.

Bičepangre 16:28

Koi das o Paulo soreles gole: “Ma mare tut! Mer ham lauter kate!”