Gosewe laba 6:6 - O Debleskro Drom 2021 (Sinte)

⁶ Tu tchi-moldo, kai kameh gar te budrell, tuke penau: Dja pash i kiri, dik hawi budi joi krell! Un ab gosewo!

O Debleskro Lab 2024 (Sinte-Manouche)

⁶ Tou či-moldo, kay kameh gar te boudrell, touke penau: Dja pash i kiri, dik havi boudi yoy krell! Oun ab gosevo!

Gosewe laba 6:6 Referans Kwoze

Gosewe laba 20:4

Ko tchi-moldo, kai kamell gar ap peskri phub te budrell an o tchatcho tsiro, kowa hatsell tchi an ko tsiro, kai o djob dren anlo well.

Gosewe laba 18:9

I tchi-moldo, kai kamell gar te budrell, hi gar feteder har kowa, kai marepen un merepen anell.

Gosewe laba 6:9

Tu tchi-moldo, kai kameh gar te budrell, har rah kameh gomme tchiddo te atchell? Kaana kameh tu pre te stell?

Hebrearja 6:12

Ma awenn khino, te krenn o Debleskri budi! Awenn jaake har kolla, kai atchan soreles an o patsepen, un lan kowa, hoi o Dewel lenge penas.

Gosewe laba 13:4

Kowa, hoi jek kamell, kai kamell gar te budrell, well les gar. Kolenge, kai bud budrenn, hi doha koi.

Mateo 25:26

Penas peskro rai ap leste: I tchilatcho budepaskro hal tu. Tu kral tiri budi gar mishto. Tu djinal, te lap mange o djob, hoi me gar an i phub tchiwom, un lap mange kote khetne, kai budrom gar.

Gosewe laba 30:25

I kirja: Ninna te hi len kek soor, anenn le pengro chapen khetne an i nijal.

Remarja 12:11

Ma awenn khino! Krenn tumari budi i tseli sorjah! Halauter, hoi tumer krenna, krenn o Jesuseske, maro rajeske!

Gosewe laba 21:25

Kol tchi-molde, kai kamenn gar te budrell, merenna i bokatar.

Gosewe laba 19:15

Kowa, kai kamell gar te budrell, well khino. Mukell lo peskre wasta an i gali tchiddo, well ko tsiro, kai hunte bokell lo.

Gosewe laba 22:13

Ko tchi-moldo, kai kamell gar te budrell, penell: I lewo hi win ap o drom, kai nai chals man.

Gosewe laba 10:26

Har shut i dandenge, un jagakro ducho i jakenge, jaake hi o tchi-moldo, kai kamell gar te budrell, kolenge, kai les ap i budi bitchran.

Gosewe laba 19:24

I tchi-moldo, kai kamell tchi te krell, tchiwell peskro roi an o tcharo, un anell peskro wast gar pash o mui.

Mateo 6:26

Dikenn ap i tchirkle! Jon witsrenn kek djob an i phub, te well lo baro. Witar gar anenn le o baro djob dren, te tchiwenn le les an o djobeskro kheer. Tumaro dad an o bolepen dell len te chal. Tumer han budeder moldo har jon.

Gosewe laba 15:19

O drom kolendar, kai kamenn gar te budrell, hi pherdo subjengre burra. Kolenge, kai o tchatchepen krenn, hi kek barra an o drom tchiddo.

Gosewe laba 1:17

Tchitcheske well i netsa glan i tchirkle pre-pandlo. Jon dikenn lat un djan gar dren.

Jesaja 1:3

Haki grumni prindjrell koles, koneske joi hi. Un haki burika djinell koi platsa, kai lakro rai dell lat te chal. O Israel prindjrell kowa gar. Mire menshe haiwenn kowa gar.

Gosewe laba 23:19

Shun, miro tchawo un ab gosewo, un dja o djijestar o tchatcho drom!

Gosewe laba 30:24

Star vieche hi i tikneder ap kai phub, un hi gosweder har i gosewe menshe:

Jeremia 8:7

O storcho tel o bolepen djinell peskro tsiro, un kol wawar tchirkle rikrenn o tsiro dren, kai wenn le pale.

Gosewe laba 10:4

Koon peskre wasta an i gali tchiddo mukell, kowa well tchorwelo. Koon bud budrell, kowa well brawelo.