Gosewe laba 6:12 - O Debleskro Drom 2021 (Sinte)

¹² I tchilatcho mensho un i tchi-moldo hi kowa, kai chochepen rakrell,

O Debleskro Lab 2024 (Sinte-Manouche)

¹² I čilačo mensho oun i či-moldo hi kova, kay rhorhepen rakrell,

Gosewe laba 6:12 Referans Kwoze

Mateo 12:34

Tumer han sapa! Tumer han tchilatcho un nai rakrenn gar latcho koowa. I mensho penell kowa, hoi an leskro dji dren hi.

Gosewe laba 16:27

I tchilatcho mensho rodell i drom, har nai dukrell lo i wawaren. Hoi lo rakrell, chatchell har jag.

Gosewe laba 4:24

Muk kek chochene laba dran tiro mui te well! Tiro rakepen te well mishto un tchatcho!

1. Timoteo 5:13

Kal terne djuwja kamenn buder gar te budrell, un jon djan dran jek kheer an o wawar, un tchamrenn bud. Jon kamenn lauter feteder te djinell, un rakrenn jaake, hoi gar mishto hi.

Bičepangre 20:30

Ninna dran tumende wenn mursha, kai penenn i patslenge chochene laba, hoi gar o Deblestar wella. Un jon tserdenn i patslen ap pengri rig.

Gosewe laba 17:4

Kowa, kai tchilatcho koowa krell, shunell ap midjak rakepen. Un i chocheno shunell ap sawe laba, hoi bibacht anenn.

Gosewe laba 8:13

Kowa, kai kamell o baro Debleha te djiwell, kowa kamell o tchilatchepen gar glan peskre jaka te dikell, kowa dikell gar tele ap o wawareste un phurdell pes gar pre, kowa djal gar i tchilatcho drom, un rakrell kek chochepen.

Debleskri gili 59:7

Haki rat wenn le pale un nashenn tchorchanes trul o foro. Har djukle denn le gole.

Jakobo 3:6

I tchip hi har i jag. Lat hi i soor, te krell li bud tchilatcho koowa. I tchip nai krell o tselo menshes djungeles un tchilatches. Koi jag, hoi i tchip krell, chatchrell o tselo djipen, un well o bengestar.

Gosewe laba 11:6

Ko tchatcho koowa, hoi o Debleskre menshe krenna, lell len win dran o merepen. I phukepangre wenn tapedo an pengri bok pal i lowe.

Gosewe laba 6:14

An peskro dji hidjrell lo tchilatchepen, un hako tsiro anell lo tchingepen.

Gosewe laba 2:12

un weh gar ap i tchilatcho drom, un shuneh gar ap i menshende, kai chochepen rakrenna,

Debleskri gili 36:3

An peskre jaka hi kowa jaake shukar, hoi lo krella, te haiwell lo gar, kai kowa i doosh hi, kai hunte rikrals pes lo latar pale.

Debleskri gili 10:7

Job koshell, chochell un dell trad. Leskro rakepen anella duka un bibacht.

Debleskri gili 10:3

Job sharell pes pral kowa, hoi lo kamell te krell. Un kowa, kai i meen gar pherdo lell, praassella o baro Debles un sal pral leste.

Jakobo 1:21

Doleske mukenn hako djunglepen un tchilatchepen! Un patsenn ko lab, hoi o Dewel an tumende tchiwas! Krenn kowa i latcho djijeha! An o Debleskro lab hi koi soor, te lell lo tumen dran o tchilatchepen un o merepen win.

Jeremia 24:2

An koi jek korba his latche un shukar faige har kol newe faige an i bersh. An koi wawar korba his djungele faige, jaake djungele te nai chal len kek.

1. Samuel 17:28

Leskro phureder phraal, o Eliab, shunas, har job kol murshentsa rakras. Un an leste chatchras i bari choli pre pral o Davideste, un penas: “Hoske wal tu kai? Un kones mukal tu ap kol bakre jak te dell an o mulo them? Me prindjrau tut mishto, tu tikno pre-phurdo un tchi-moldo! Tu wal kai, te dikess tuke o marepen an.”

Gosewe laba 10:32

O rakepen kolestar, kai an o tchatchepen tardo hi, krell bachtelo. O rakepen i tchilatchendar dukrell.

Debleskri gili 101:3

Rikrau man pale te krap chocheno koowa, un kamau gar khetne te well kolentsa, kai bango koowa krenn. Sawo koowa kamau gar glan i jaka te dikell.

Gosewe laba 3:32

O baro Dewel dikell chojedes ap kolende, kai bange dromma djan. I maal hi lo kolenge, kai ap o tchatcho drom djan.

Gosewe laba 16:30

Kowa kai i jakentsa dell un peskro mui khetne tserdell, koles hi tchilatchepen an o shero.