Gosewe laba 30:2 - O Debleskro Drom 2021 (Sinte)

² Har i viecho hom, un menshengro goswepen hi man kek.

O Debleskro Lab 2024 (Sinte-Manouche)

² Har i firho hom, oun menshengro gosvepen hi man kek.

Gosewe laba 30:2 Referans Kwoze

Debleskri gili 73:22

koi homs dinelo un haiwom tchi. Awa, dinleder har i viecho homs glan tute.

1. Korintarja 3:18

Ma chochenn tumen kokres! Koon patsella, te hi lo gosewo ap kai phub, kowa hunte dikell dren, te molella leskro goswepen tchi.

Jakobo 1:5

Te djinell jek tumendar gar, hoi o Dewel lestar kamella, palle nai mangell lo o Debles, te sikrell job leste kowa. O Dewel hi latcho, un job dell o djijestar, ninna te weh tu bud kope pash leste.

1. Korintarja 8:2

Koon patsella, te hi lo gosewo, kowa djinell gar, hoi tchatcho goswepen hi.

Remarja 11:25

Mire phrala, me kamau tumenge i baro tchatchepen te penell, hoi djinenn i menshe gar. Te djinenn tumer kowa, palle penenn tumer gar: “Har gosewo ham mer!” Tumer hunte djinenn, hoske hi bud bibolden i dji dran bar, un patsenn gar ap o Jesus Kristeste. Kowa atchella jaake rah, bis te wan kol tsele menshe dran i wawar themma ap o Jesuseskro drom, kolendar o Dewel kamell, te wenn le pash leste.

Jeremia 10:14

Glan sau baro koowa hi hako mensho dineles koi tardo. Sawo koowa nai haiwell lo gar te krell. Kolla lauter, kai kran figure, te mangenn le len an, hunte ladjenna pen. Lengre figure hi kek tchatche debla, kek djipen hi an lende.

Jesaja 6:5

Un me penom: “Kanna hunte merap! Me hom i mursh, dran koleskro mui sawo rakepen djas, te nai wau me gar glan o Debleste. Un me djiwau mank menshende, dran kolengre muja ninna sawo rakepen djal. Un mire jakentsa dikom o baro rajes, les, o baro Debles, kai hi o rai pral o bolepen un i phub.”

Gosewe laba 5:12

un peneh: “Har dinelo homs, har dom gar jak, hoi mange penlo was. Hoske shunom gar ap koleste, kai das man trad?

Debleskri gili 92:6

Baro Dewel, hawo baro koowa kral tu! Hi phares menge te haiwas, hoi tuke an o shero djal.

Debleskri gili 49:10

te nai djiwell lo hako tsiro, un hunte merell gar.

Gosewe laba 12:1

Koleske, kai kamell gosewo te well, hi shukar, te well leske penlo, hoi lo gar mishtes kras. Kowa, kai mukell pes tchi te penell, atchell dinelo.

Gosewe laba 30:1

Kolla hi laba, hoi rakras o Agur, koleskro dad o Jake his, dran Massa. Kau mursh penas: Me marom man tele, mo Dewel, me marom man tele, mo Dewel, un djinau gar buder dureder.