Gosewe laba 3:35 - O Debleskro Drom 2021 (Sinte)

³⁵ Kolla, kai tchatchepah gosewo hi, wenna sharedo. Kolla, kai dinelo koowa krenn, hunte hidjrenn pengri ladj.

O Debleskro Lab 2024 (Sinte-Manouche)

³⁵ Kolla, kay čačepah gosevo hi, venna sharedo. Kolla, kay dinelo koova krenn, hounte hidjrenn pengri ladj.

Gosewe laba 3:35 Referans Kwoze

Debleskri gili 132:18

Leskro railepen well baro un bareder. Un ap kolende, kai leske tchilatchepen kamenn, tchiwau bari ladj.

Debleskri gili 73:24

Tu aneh man ap ko drom, hoi tut mange hi. Un pal miro djipen ap kai phub leh tu man pash tute an tiro railepen.

1. Samuel 2:30

Doleske penell o baro Dewel, kai o Israeleskro Dewel hi: Tchatchepah, me penom, te wenn i mursha dran tiro kheer un dran tiro dadeskro kheer hako tsireske rashaja glan mande. Kanna penau, kowa kamau buder gar. Me krau kolen baro, kai man bares krenna. Un kowa, kai ap mande tchi della, ap koleste well witar tchi dino.

Gosewe laba 13:8

I brawelo nai ginell peskro djipen win. I tchorweleste dell kek trad. Pash leste hi tchi te lell.

Gosewe laba 4:8

Hidje o goswepen pral an tiro djipen, palle krell lo tut bares. Rike o goswepen soreles, palle dikenn i wawar pre ap tute.

Gosewe laba 8:5

Haiwenn tumer tchi? Palle denn jak ap gosewe laba! Han tumer dinelo? Palle dikenn dren, hoi tumenge mishto hi!

Gosewe laba 13:5

O chocheno rakepen hi djungeles glan i jaka kolestar, kai an o tchatchepen tardo hi. O tchilatcho krell praassedo koowa un wi-ladjedo koowa.

Gosewe laba 12:8

Kones gosewo koowa an o shero hi, kowa well sharedo. Kones dinelo koowa an o shero hi, ap koleste dikenn le tele.

Louka 14:9

Un palle well kowa pash tute, kai penas, te wess ap i bijab, un penell ap tute: Muk koles kate te beshell, un besh tut kote tele! Un tu hunte leh ko telstuno beshepaskro, un tut hi i bari ladj.