Gosewe laba 3:3 - O Debleskro Drom 2021 (Sinte)

³ Djib hako tsiro an o latchepen un an o tchatchepen! Pande mire laba har i werkli trul tiri meen, un tchin len an tiro dji!

O Debleskro Lab 2024 (Sinte-Manouche)

³ Djib hako tsiro an o lačepen oun an o čačepen! Pande mire laba har i verkli troul tiri meen, oun čin len an tiro dji!

Gosewe laba 3:3 Referans Kwoze

2. Korintarja 3:3

Dran mari budi wan tumer pash o Jesus Kristeste. Un kanna han har i liil, hoi wella o Jesus Kristestar. Kau liil tchinas o Ducho o djido Deblestar, un kek mensho. Kau liil was gar tchinlo ap i barra. Na-a. Kau liil was tchinlo an i menshengre djia, an tumare djia.

Gosewe laba 7:3

Pande len trul tiro gushto, tchin len an tiro dji!

Hebrearja 10:16

Ap ko tsiro, hoi wella, penell o Dewel, sikrau me i menshende i newo drom, har nai wenn le pash mande: Me tchiwau miro tchatchepen an lengre shere un tchinau mire laba an lengre djia.

Gosewe laba 6:21

Tchip lengre laba an tiro dji, pande len tuke trul tiri meen har i werkli.

Maleachi 2:6

Jon anan i menshenge kowa pashel, hoi tchatcho hi. Un kek tchilatcho lab his an lengre muja. Jon djiwan glan mande an o latchepen un an o tchatchepen, un rikran bud menshen o tchilatchepastar pale.

Efesarja 5:9

Lauter kolla, kai ap leskro drom djana, krenn kowa, hoi latcho un tchatcho hi, un penenn o tchatchepen.

Gosewe laba 16:6

Ab latches un rike pash o Debleste, un job bistrell tiri doosh. Te djiweh leha, rikreh tut pale o tchilatchepastar.

Gosewe laba 20:28

O baro rajeske atchell leskri rajeskri soor jaake rah har lo o latchepen un o tchatchepen krella.

Gosewe laba 1:9

Kowa hi tuke har i shukar stadi ap tiro shero, har i werkli trul tiri meen.

Debleskri gili 119:11

Me rikrau tiro lab an miro dji, te anap kek doosh ap mande.

Debleskri gili 25:10

I tsele dromma hi latcho un tchatcho, kai o baro Dewel kolen anell, kai rikrenn pen ap leskre laba un krenn, hoi job lenge penell.

2. Mose 13:9

Kawa well tuke har i sikepen ap tiro wast, un i sikepen mashkral tire jaka, te bistress tu kowa gar, un peness i wawarenge, har las tut o baro Dewel peskro sorelo wasteha win dran o them Egiptia.

Jeremia 17:1

Tumer menshe an o them Juda, tumaro tchilatchepen hi dren tchinlo an tumare djia, un ap kol shinga ap kol chatchepangre, kai tumer viechen chatchrenn. Ko tchilatchepen hi jaake dren tchinlo, te nai krenn kowa gar buder krik, har te was kowa an o bar dren dino i sasteha, hoi les i diamantikro shero hi.

5. Mose 6:8

Pande kol laba ap i pandepen trul tiro wast un trul tiro shero pral i jaka, te bistress len gar.

Hosea 4:1

Tumer Israelitarja, shunenn, hoi o baro Dewel tumenge penell! O baro Dewel hunte tchingrell tumentsa, kai djiwenn an o them Israel. Tumer rikrenn gar khetne, han gar kamles jek o wawareha un prindjrenn o Debles gar.

Mateo 23:23

Tumer tchatchepangre un Farisarja! Kowa, hoi tumer krenna, ko hi gar mishto! Tumaro patsepen hi chochepen. Tumer denna o Debleste o deshto kotar dran hako senlepen an tumari baar. Un tumer bistrenn ko bareder koowa, hoi o Dewel tumendar kamella: O tchatchepen, un o kamlepen, un o patsepen. Kawa hunte krenn, un ko wawar gar mukenn!

2. Samuel 15:20

Taissar wal tu, un kai diwes nashals tuke mentsa kai un koi? Me djinau gar, kai te djap. Risse trujel un le kol wawaren dran Gat tuha. Latchepen un tchatchepen mu well ap tiro drom!”

Debleskri gili 85:10

Tchatchepah, job hi ap kolengri rig, kai leha djiwenna un ap leste shunenna. Un leskro railepen atchell an maro them.

Gosewe laba 14:22

Kolen, kai tchilatchepen an o shero hi, kolla djan nashedo. Kolla, kai kamenn o latchepen te krell, kolenge hi i wawar menshe latches un rikrenn ap lende.

2. Mose 34:6

Job djas glan o Moseste dureder un das gole: “Me hom o baro Dewel. O baro Dewel hom me. Man hi i baro dji, pherdo kamlepen. Me wau gar sik chojedo. Miro latchepen hi baro un me dau mire menshen gar pre.