Gosewe laba 3:2 - O Debleskro Drom 2021 (Sinte)

² Jaake well tut i lengsto djipen, un tire djipaskre bersha wenn pherdo latchepen.

O Debleskro Lab 2024 (Sinte-Manouche)

² Yaake vell tout i lengsto djipen, oun tire djipaskre bersha venn pherdo lačepen.

Gosewe laba 3:2 Referans Kwoze

Gosewe laba 4:10

Shun miro tchawo, un de jak ap miro rakepen, jaake te djiwess i lengsto djipen.

Gosewe laba 9:11

Me, o goswepen, dau tut i lengsto djipen, krau, te djiweh bud bersha.

Debleskri gili 91:16

Me dau les i lengsto djipen un sikrau les, te hom kowa, kai les win lell dran i bibacht.”

Remarja 15:13

Un o Dewel, kolestar o tselo latchepen wella, ap koleste dikah, lestar mangah, te wenn tumer tchalo i bachtjatar an o dji dran tumaro patsepen, jaake te djinenn tumer: Ko latchepen, hoi dell men o Dewel an o tsiro, hoi wella, kowa well tchatchepah. Un o Debleskro Ducho dell tumen i soor, te dikenn bud un budeder ap o Debleste.

Debleskri gili 128:6

Un ninna dikeh i tchawe tire tchawendar. Bacht te well pral o Israel!

Debleskri gili 119:165

I bari bacht hi kolen, kai tiro drom kamenna. Jon perenn gar tiro dromestar tele.

Gosewe laba 10:27

Kowa, kai djiwell o baro Debleha, djiwell bud bersha. O djipen o tchilatchestar well tikneder.

1. Timoteo 4:8

Te dikeh ap kowa, te wenn tire mussja un herja soreles, hi kowa gar bud moldo. Te dikeh ap kowa, te well tiro patsepen soreles, hi kowa bud moldo, un tu leh o tchatcho djipen. Ko djipen dell tut o Dewel kanna ap kai phub un an ko tsiro, hoi wella.

Remarja 5:1

Maro patsepen ap o rajeste, o Jesus Kristeste, kras men tchatcho glan o Debleste. Un o Debleskri choli well buder gar ap mende.

Debleskri gili 21:4

Tu tchoral pral leste bacht pral bacht, tchiwal shereskro sonakai ap leskro shero.

Remarja 14:17

Kolla, kai o Dewel o rai pral lende hi, kolla tchingrenn gar pral kowa, hoi jon chana un hoi jon pijenna. Na-a. Jon djiwenn pal o tchatchepen, hoi o Deblestar wella un tchingrenn gar, un o Debleskro Ducho dell len bacht an o dji.

Jesaja 32:17

Un kote, kai o tchatchepen khere hi, un i menshe pal o Debleskre tchatchepaskre laba djiwenn, kote hi kek kurepen un kek tchingepen. Un kekes hunte well daar. Jaake atchell kowa hako tsireske.

Hiob 5:26

Un tu mereh an o latcho phurepen, jaake har o djob dren anlo well, te was leskro tsiro.

5. Mose 11:21

Palle atchenn tumer an kau them, kolestar tumaro baro Dewel glan tumare phurende pes sowel das, te dell lo les tumende, un djiwenn kote jaake rah har o bolepen pral i phub hi.

1. Rajengro liil 3:14

Un te djah tu an mire dromma, jaake har tiro dad, o David, un rikreh mire laba un kreh, hoi tutar kamau, palle kamau me tuke i lengsto djipen te dell.”

Gosewe laba 16:31

Parne balla hi har i kutch rajeskri stadi, hoi o Dewel kolen dell, kai leskro drom djan.

5. Mose 5:32

Kanna denn jak, te krenn halauter jaake, har tumaro baro Dewel kowa tumenge penas. Rikrenn leskre tsele laba. Tchiwenn kek lendar ap i rig.

Gosewe laba 4:4

kote sikras lo man, har te djiwap, un penas: An tiro dji le mire laba pre un biste len gar! Rike ap mire laba, palle djiweh.