Gosewe laba 25:2 - O Debleskro Drom 2021 (Sinte)

² O Dewel well sharedo koleske, hoi job khatedo rikrell. O baro rai well sharedo koleske, hoi job pre tchakrell.

O Debleskro Lab 2024 (Sinte-Manouche)

² O Devel vell sharedo koleske, hoy yob khatedo rikrell. O baro ray vell sharedo koleske, hoy yob pre čakrell.

Gosewe laba 25:2 Referans Kwoze

Hiob 42:3

Tu putchal: “Koon hal tu, kai putcheh dineles: Hi kowa gosewo, hoi o Dewel krell?” Awa, tut hi tchatcho: Rakrom, hoi dinelo his, un hoi gar haiwom un kolestar tchi djinom.

Hiob 38:4

Kai hals tu, har me i phub krom? Pen les mange, te djineh les tu?

Hiob 29:16

O tchorweleske homs me har i dad, un lom koleskro koowa an o wast, kai i wi-themari his.

Esra 4:15

Muk pal te dikell an i familjakre lila tire phurendar, palle hatseh un dikeh, kai kau foro pes pre hadas, un pral wawar rajende un themma doosh anas. Ninna an i phure tsirja hadan pen i menshe an kau foro pre. Doleske was kau foro ninna khetne maredo, un kek bar atchas ap o wawar.

Esra 4:19

Un har me les penom, was pal diklo, un halauter hi tchatchepen, hoi tumer mange tchinan, kai hadas pes ko foro pale te pale an o phuro tsiro un anas tchingepen i tsele rajenge, un peras tele lengre rajentsa.

Hiob 40:2

Tu kameh tut mantsa te tchingrell – mantsa, kai o sorelo Dewel hom? Tu, kai doosh ap mande hatsal, un mange penal, hoi gar mishto krom, pen kanna tchomone kai pre!

Esra 5:17

Un kanna, maro baro rai, te hi tuke mishto, palle muk an tiro kheer pal te dikell, kote kai tiro brawlepen un i phure familjakre lila hi, te hi tchatcho, kai mukas o baro rai Kirus te penell, te well o Debleskro kheer an o foro Jerusalem pale pre-tchiddo. Un ab jaake kamles un muk men te djinell, hoi tu pral kowa peneh.

Esra 6:1

Kote mukas o rai Darius te penell, te wenn i familjakre lila rodedo an i khera, kai o brawlepen un i phure lila tchiddo hi an o them Babilonia.

Gosewe laba 25:3

O bolepen djal dur pre, un i phub djal dur tele, un kek nai djinell, hoi an o baro rajeskro dji hi.

5. Mose 29:28

Kowa hoi khatedo hi, djinell kokres maro baro Dewel. Mende sikras lo, hoi lo mendar kamell, te djiwas mer pal kal tsele laba, hoi an kau tchatchepaskro liil tchinlo hi. Kowa hi menge un mare tchawenge hako tsireske.

2. Samuel 1:5

Koi penas o David ap ko terno mursheste, kai penas leske kowa: “Har djineh tu, kai o Saul un leskro tchawo Jonatan mulo hi?”

2. Samuel 14:19

Penas lo: “Bitchras tut o Joab pash mande, te rakress kowa lauter mantsa?” Koi das li pale: “Tchatchepah, miro baro rai. Koi hi kek drom, te khatrap tchomone glan tute, miro rajeste! Awa, tiro budepaskro Joab penas mange, kai hunte krap kowa, un tchiwas kol tsele laba mange an o mui.

Gosewe laba 25:27

Bud gwin hi gar mishto. Jaake hi ninna, te shareh tu i wawares bud shukar labentsa.

Sikepaskro 1:13

Miri tseli djijeskri sorjah un goswepah rodom, te haiwap o tselo koowa, hoi ap i phub halauter kerdo wella. Hawo pharepen das o Dewel i menshende, te marenn le pen tele koleha.