Gosewe laba 24:7 - O Debleskro Drom 2021 (Sinte)

⁷ I dinelo haiwell gar gosewe laba. Kote, kai i tchatchepangre khetne wenna, nai krell lo peskro mui gar pre.

O Debleskro Lab 2024 (Sinte-Manouche)

⁷ I dinelo hayvell gar goseve laba. Kote, kay i čačepangre khetne venna, nay krell lo peskro mouy gar pre.

Gosewe laba 24:7 Referans Kwoze

Gosewe laba 14:6

I pre-phurdo, te rodell lo o goswepen, hatsell lo les gar. Kowa, kai peskro djijeha rakrell, koleske hi gar phares tchomone dren te dikell.

Debleskri gili 10:5

Lauter djal leske, har job kamella. Te deh tu leste i phagi, patsell lo kowa gar, jaake dur hal tu lestar krik. Job tchungrell ap lauterende, kai leske an o drom tardo hi.

1. Korintarja 2:14

I mensho, koles o Debleskro Ducho gar hi, haiwell gar, hoi o Debleskro Ducho penella. O Debleskro koowa hi leske dinlepen. Ko mensho nai dikell gar, har o Dewel kowa dikella.

Amos 5:15

Dikenn tchilatches ap kowa, hoi tchilatcho hi, un dikenn latches ap kowa, hoi latcho hi! Dikenn koi pre, te lell kowa peskro tchatchepen, koon an o tchatchepen hi! Palle nai well o baro Dewel latches kolenge, kai dran o kheer Josef pral atchenn. Job hi o rai pral o bolepen un i phub.

Amos 5:12

Me djinau ko bud tchilatcho koowa, hoi kran tumer. Un dikau, har baro tumari doosh hi. Tumer rikrenn tumen gar pale, latche menshen palla te lell, un mukenn tumen te ginell. Kek tchatchepen denn tumer i tchorwelen.

Amos 5:10

Chojedo han tumer ap koleste, kai tumenge o tchatchepen penell, un tumende sikrell, kai kowa gar mishto hi, hoi kran.

Jesaja 29:21

kolla, kai chochepah doosh ap i wawarende anan, un chochenn i tchatchepangre murshen, un anenn len pengre chochene labentsa jaake dur, te denn le kek tchatchepen koleste, kai kek doosh ap leste hi.

Gosewe laba 22:22

Ma rande o tchorweles win, doleske kai lo tchorwelo hi! Te hal leha glan i tchatchepangre, ma le leskro tchatchepen krik.

Gosewe laba 17:24

Kowa, kai haiwell, hoi mishto un gar mishto hi, mukell pes gar tele te rikrell, te lell lo gomme budeder goswepen. I dinelo dikell kate te kote.

Gosewe laba 15:24

Kowa, kai haiwell, hoi mishto un gar mishto hi, koleske djal peskro drom pre an o djipen. Un job rikrell pes pale o dromestar, kai djal tele pash i mulende.

Hiob 31:21

An kek tsiro hadom me miro wast pre ap i tchaweste, koles kek dad buder hi, ninna te djinom, te hi halauter ap miri rig, kai his an o foreskro wudar beshdo.

Hiob 5:4

Leskre tchawen his kek bacht an pengro djipen. Har anas jek tchomone ap lende pre, his kek koi, kai was ap lengri rig, un las lengro koowa an o wast.

Debleskri gili 127:5

Bachtelo hi kowa, koles bud kolendar pash peste hi. Te well i doosh ap leste anlo, wenn le leske ap i rig, te lell lo peskro tchatchepen.

Gosewe laba 17:7

Kowa djal gar, te krenn i narwele bare un shukar laba. Witar gar djal, te rakrell i an-diklo mursh chochepen.

Gosewe laba 17:16

Hoske hunte dals i dinelo lowe win, te nai djal lo an i sikepaskri? Leske djal tchi an leskro shero.

Jesaja 32:6

Ko dinelo mensho rakrell dinlepen. Un an leskro dji hi djunglepen. Job rakrell dui tchipjentsa, un kowa, hoi lo pral o baro Debleste penell, hi gar tchatcho. Kolen, kai bokenna, dell lo tchi te chal, un kolen, kai trush hi, mukell lo gar te pijell.

Gosewe laba 28:5

Tchilatche menshe haiwenn gar, hoi o tchatchepen hi. Kolla, kai o baro Debles rodenn, kolla haiwenn lauter mishto.

Gosewe laba 31:23

Lakro rom hi an-diklo an o foro, te rakrell lo pes tele i phurentsa.