Gosewe laba 24:30 - O Debleskro Drom 2021 (Sinte)

³⁰ Me djom glan wergel ko kotar phub sawestar, kai kamell gar te budrell, un dikom i drakengro them jekestar, koles tchi an o shero hi.

O Debleskro Lab 2024 (Sinte-Manouche)

³⁰ Me djom glan vergel ko kotar phoub savestar, kay kamell gar te boudrell, oun dikom i drakengro them yekestar, koles či an o shero hi.

Gosewe laba 24:30 Referans Kwoze

Gosewe laba 12:11

Koon ap peskro kotar phub budrell, koleske well bud maro. Koon sawo koowa pal nashell, hoi tchi moldo hi, kowa hi narwelo.

Hiob 4:8

Jaake har me les dikom, well tchilatchepen pral kolende, kai tchilatchepen kran, un bibacht pral kolende, kai bibacht ap wawarende anan.

Gosewe laba 10:13

Kowa, kai haiwell, hoi mishto un gar mishto hi, rakrell gosewe laba. Koles, kai tchi an o shero hi, kowa lell dawa.

Debleskri gili 37:25

Me homs terno un wom phuro. An ko tselo tsiro dikom me kekes kokres muklo, kai an o tchatchepen tardo hi; un kekes leskre tchawendar dikom, kai hunte mangas peske maro.

Hiob 15:17

Me kamau tuha te rakrell. Shun ap kowa, hoi me penau! Kowa, hoi me dikom, kamau te penell:

Hiob 5:27

Dik, kawa lauter hatsam mer win. Jaake hi kowa. Un tu, shun koi pre, un de jak koi pre!

Sikepaskro 7:15

Me dikom bud koowa an miro djipen, hoi haiwom me gar: Koi hi i latcho mursh, kai djiwas i tchatcho djipen, un job merella glan te was lo phuro. Un koi hi i chocheno mursh, ko djiwell an o tchilatchepen, un job djiwell i rah djipen.

Debleskri gili 107:42

Kowa dikenn kolla, kai o tchatcho drom djan, un hi bachteles, un i tchilatchenge well o mui pandlo.

Sikepaskro 10:18

Te kamell jek gar te budrell, perell leskro kheer khetne, un o brishin well dren.

Gosewe laba 13:4

Kowa, hoi jek kamell, kai kamell gar te budrell, well les gar. Kolenge, kai bud budrenn, hi doha koi.