Gosewe laba 23:6 - O Debleskro Drom 2021 (Sinte)

⁶ Ma cha ko maro, hoi i tchinlo tute dell. Muk tiro dji gar pal leskro latcho chapen te nashell!

O Debleskro Lab 2024 (Sinte-Manouche)

⁶ Ma rha ko maro, hoy i činlo toute dell. Mouk tiro dji gar pal leskro lačo rhapen te nashell!

Gosewe laba 23:6 Referans Kwoze

Gosewe laba 23:3

Muk tiro dji gar pal leskro latcho chapen te nashell! Kowa nai well i chocheno chapen.

Debleskri gili 141:4

Muk miro dji gar o tchilatchepen palla te dell, te krap gar midjak koowa khetne i tchilatchentsa. Muk man gar te chap lengro shukar chapen!

5. Mose 15:9

De tut jak, te well tuke gar an o dji, te dess les tchi doleske, kai ko eftato bersh gar buder dur hi. Ma pen tuke: ‘Palle hunte mukap leske koi tseli sijaan.’ Un jaake dikeh tchilatches ap leste un deh leste tchi. Un job dell gole ap o baro Debleste pral tute. Un ap tute well i doosh!

Mateo 20:15

Me krau nai mire lowentsa, hoi me kamau. Hoske hal tu tchilatcho ap mande, te hom me latcho?

Gosewe laba 28:22

Koles, kai bok pal i lowe hi, nashell o brawlepen palla, un djinell gar, te well jaake o tchorwlepen pral leste.

Gosewe laba 22:9

Kowa, kai latches ap i wawarende dikell, dell peskro maro i tchorweleste. Ap leste well bacht wi-rakedo.

5. Mose 28:56

Un i djuwel tumendar, kolat hako tsireske doha ap halauter his, un jaake railes djiwas, te mukas pes li te hidjrell, un peskre pire gar ap i phub tchiwas, – jaake railes was li peske glan, un sau brawelo djipen djiwas li – ninna koi djuwel chal peskro ternepen un kowa hoi gomme pal kowa win well dran late, har anas li o ternepen ap i phub. Tchorchanes chal li kowa un dikell pherdo silwepen ap peskro romeste un peskri tchat, te lenn jon tchi kolestar. Tchi wawar atchas lake chapaske. Jaake baro hi koi daar un koi bok an tumare tsele forja, kai han dren pandlo kolendar, kai kurenn pen tumentsa.

Markus 7:22

Te chochell i mursh peskri romjat i wawar djuwjah, un te chochell i djuwel peskro romes i wawar mursheha, well kowa dran lengre djia. Dran o dji well ninna i bok pal i lowe, o chochepen, wi-ladjedo koowa un dinlepen. Dran o dji well ninna, te dikell jek tchilatche jakentsa ap kowa, hoi o wawares hi, te hi lo midjak ap o wawareste, te rakrell lo djungeles pral o wawareste, te hadell lo pes pral o wawareste.