Gosewe laba 21:10 - O Debleskro Drom 2021 (Sinte)

¹⁰ Tchilatche menshen hi o tselo tsiro bok pal o tchilatchepen. Len hi kek dji i wawarenge.

O Debleskro Lab 2024 (Sinte-Manouche)

¹⁰ Čilače menshen hi o tselo tsiro bok pal o čilačepen. Len hi kek dji i vavarenge.

Gosewe laba 21:10 Referans Kwoze

1. Johanni 2:16

Pash i menshende ap kai phub djal lauter pal jek koowa: chapen un pipen, romedinepen un khelepen, brawlepen un sharepen. Kowa lauter well gar o Deblestar, maro dadestar. Kowa lauter hi phubjakro koowa.

Gosewe laba 3:29

Ma le tuke glan, te kress tchilatchepen koleske, kai pash tute an o latchepen djiwell!

Jakobo 2:13

Ma bistrenn! Well jek diwes, kai rakrell o Dewel o tchatchepen win pral tumende. Te hi jekes kek dji i wawareske, koleske hi o Debles witar kek dji. Kones hi i dji i wawarenge, koles hunte well kek daar ap ko diwes, kai rakrell o Dewel o tchatchepen pral i menshende win.

1. Korintarja 10:6

Kowa, hoi kote djas, kamell menge soreles te penell, te djal maro dji gar pal o tchilatcho koowa, jaake har kolengro dji pal o tchilatchepen djas.

Gosewe laba 21:13

Kowa, kai jaake krell, har te shunell lo gar koi gole ko tchorwelestar, leske djala jaake, kai dell job ninna gole un kek shunell les.

Gosewe laba 12:12

Tchilatche menshenge hi shukar, te krenn le midjak koowa. Kolla, kai an o tchatchepen tardo hi, hi soreles tardo un krenn latcho koowa.

Debleskri gili 112:9

Job dell bud i tchorwelen. Leskro tchatchepen atchell hako tsireske. Leskri soor un leskro railepen well baro.

Debleskri gili 112:5

Mishto djal koleske, kai krell peskro dji pre, un patsell i wawaren win, un krell peskro koowa jaake har tchatcho hi.

Debleskri gili 36:4

Tchi har midjak un chochene laba wenn dran leskro mui win. Latcho koowa haiwell lo buder gar te krell.

Gosewe laba 2:14

Lenge hi shukar, te krenn le tchilatcho koowa, un jon sanenn, te krenn le djungelo koowa.

Gosewe laba 14:21

Kowa kai ap o wawareste tele dikell, anell doosh ap peste. Bachtelo well kowa, koles i dji i tchorwelenge hi.

Gosewe laba 21:9

Hi feteder te djiwell jek win ap i dacha, har dren an o kheer khetne i romjah, kai o tselo tsiro tchingepen rodell.