Gosewe laba 21:1 - O Debleskro Drom 2021 (Sinte)

¹ O baro rajeskro dji hi har i lengsto pani an o baro Debleskro wast, hoi mukell lo kote te nashell, kai job kamell.

O Debleskro Lab 2024 (Sinte-Manouche)

¹ O baro rayeskro dji hi har i lengsto pani an o baro Debleskro vast, hoy moukell lo kote te nashell, kay yob kamell.

Gosewe laba 21:1 Referans Kwoze

Gosewe laba 16:9

O mensheskro dji lell peske tchomone glan, o baro Dewel hi kowa, kai anell leskre herja ap ko drom, har job kamell.

Gosewe laba 20:24

O baro Deblestar well, har o djipen hakenestar djal. Har djinell i mensho, kai leskro drom les anell?

Esra 6:22

Un jon lauter rikran kol bare diwessa, kai chan le efta diwessa maro, kai kek shutlo jarro dren hi. Halauterenge his i gipaskro tsiro. O baro Dewel das len bachtele djia un kras, te dikas o rai pral o them Assur kamles ap lende. Jaake wan lengre wasta soreles, te nai kran le o kheer o Israeleskro Debleske.

Bičepangre 7:10

un las les win dran halauter, hoi o Josefeske pharo his. Un o Dewel das les bud goswepen un kras, te dikas o baro rai pral o them Egiptia latcho ap o Josefeste. Ko baro rai kras, te was o Josef o rai pral o tselo them Egiptia un pral o tselo rajeskro kheer.

Gosewe laba 16:1

O mensho lell pes tchomone glan an peskro dji. Hoi tchatchepah wella, penell o baro Dewel.

Debleskri gili 106:46

Un job kras, te dikan lauter kolla latches ap lende, kai len pandan.

Jesaja 43:19

Dik, me krau newo koowa! Kanna well kowa! Haiwenn un dikenn les gar? Awa, me krau i drom an o mulo them, un mukau bare sorele panja te nashell an o tato them.

Debleskri gili 105:25

Kolenge das lo an o dji, te dikenn le tchilatche jakentsa ap o Debleskre menshende, un kran lenge midjak koowa.

Nehemia 2:4

Un o baro rai putchas: “Hoi kameh tu?” Kote rakrom o Debleha an o bolepen,

Nehemia 1:11

Ach rai, shun ap miro mangepen un ap o mangepen kolendar, kai ninna tire budepangre hi, kai mangenn tut o djijestar an. Jaake muk kowa mishto te djal, hoi man glan hi, un kre, te dikell o baro rai, o Artaxerxes, latches ap mande.” An ko tsiro homs ko mursh, dran koleskro wast o pipen o baro rajeske was.

Debleskri gili 74:15

Tu mukal pani te nashell, kai kek his. Un kote, kai sorele panja nashan, hi le kanna buder gar koi.

Jesaja 44:27

Me hom kowa, kai ap o baro pani penell: “Ab truk!” Un kol lengste panja, hoi nashenn an o baro pani, krau me truk!

Debleskri gili 93:4

Ninna te hi o baro pani diwjo un leskri gole sorelo, bareder hi o baro Dewel an o bolepen.

Debleskro tsiro 16:12

Un o shobto bolepaskro tchoras peskro tcharo win pral o baro pani, hoi kharella Eufrat. Un ko pani djas pale. Jaake was i drom kerdo kol rajenge, kai wenna dran o them, kai o kham pre djal.

Debleskro tsiro 16:4

Un o triinto bolepaskro tchoras peskro tcharo win pral kol bare un tikne panja, hoi wenna dran i phub win. Un kolla wan rat.

Debleskri gili 114:5

“Tu baro pani, hoi his tuha, te nashal tuke, un tuha, tu pani Jordan, te djal pale?

Debleskri gili 114:3

Har wan le pash o baro pani, nashas o pani peske. Har wan le pash o pani Jordan, djas o pani pale.

Jeremia 39:12

Le les pash tute, penas lo. Un de garda ap leste! Ma duke les! Un jaake har job les kamella, jaake kre les leha.

2. Mose 7:3

Me kamau leskro dji har i bar te krell, jaake te nai krap bud baro koowa an o tselo them Egiptia, te sikrap miri bari soor.

2. Rajengro liil 19:33

Ap ko drom, kai lo was, hunte djal lo pale pale. An kau foro well lo gar. Kowa penell o baro Dewel.

Esra 1:1

An o ersto bersh, kai o Kirus o baro rai pral o them Persia his, kras o baro Dewel, te was ko lab tchatcho, hoi lo ap o Jeremia rakras, un kowa i menshenge dureder penas. O baro Dewel das o baro rajeske, o Kirus an o dji, te mukell lo an peskro tselo them win te kharell un i lilendar halauterenge te penell:

Esra 1:2

Jaake rakrell o Kirus, ko rai pral o them Persia: O baro Dewel an o bolepen das man i tsele themma ap kai phub. Un job penas mange, te krap leske i kheer an o foro Jerusalem an o them Juda.

Nehemia 2:8

Un muk ninna i liil te tchinell ap o Asaf, ko pralstuno pral o rajeskre wesha, te dell lo man kasht, te nai krap wudja o sorelo khereske, hoi pash o Debleskro kheer tardo hi, un ninna kasht, te tchiwap i massuri trul o foro pale pre, un kasht ko khereske, an koleste me palle djiwau.” Un o baro rai das kowa lauter. Miro Debleskro latcho wast his mantsa.

Ester 2:17

Un o baro rai kamas lat budeder har i tsele wawar djuwjen. An leskre jaka his li shukeder un feteder har haki wawar terni tchai. Un job tchiwas ko shereskro sonakai ap lakro shero, hoi i rani hidjrell. Un kras latar i newi rani, jaake har i Wasti glan late his.