Gosewe laba 20:7 - O Debleskro Drom 2021 (Sinte)

⁷ Kowa, kai an o tchatchepen tardo hi un o Debleskro drom gar mukell, bachtelo hi leskre tchawe, kai pal leste wenna.

O Debleskro Lab 2024 (Sinte-Manouche)

⁷ Kova, kay an o čačepen tardo hi oun o Debleskro drom gar moukell, barhtelo hi leskre čave, kay pal leste venna.

Gosewe laba 20:7 Referans Kwoze

Debleskri gili 112:2

Koleskre tchawe wenn soreles an o tselo them. O baro Dewel tchiwell peskri bacht ap kolengre tchawende, kai o tchatcho drom djan.

Debleskri gili 37:26

O tselo tsiro krell job peskro dji pre un patsella, un ap leskre tchawende well o Debleskri bacht diklo.

Jeremia 32:39

Me krau, te well len jek dji un jek djipen, te kamenn le ap mande te shunell pengro tselo djipen. Palle djal lenge mishto, ninna lengre tchawenge pal lende.

2. Korintarja 1:12

Maro dji penell menge, mer djiwam maro djipen tchatches un djudjes, jaake har o Dewel kamella. Doleske nai sharah men. Mer rakram pral o Debleskro latchepen un penam tchi, hoi wella dran maro menshengro goswepen. Tumer djinenna, jaake djiwam gar kokres mank i wawar menshende, na-a, ninna pash tumende.

Bičepangre 2:39

O Dewel penas, te dell lo peskro Ducho tumende, un tumare tchawende, ninna kolende lauterende, kai kanna dur lestar hi, un kai job pash peste gole della.”

Gosewe laba 19:1

Hi feteder te hal an o tchatchepen tardo un djiweh an tchorwlepen, har te wess i dinelo, kai rakrell chochepen.

Gosewe laba 13:22

Kowa, hoi i latcho mursh pale mukell, well dureder dino leskre tchawende un tchawengre tchawende. O brawlepen kolestar, kai an o tchilatchepen djiwas, lell kowa, kai an o tchatchepen tardo hi.

Gosewe laba 14:2

Kowa, kai kamell o baro Debleha te djiwell, djal o tchatcho drom. Koon tchi lestar kamell te djinell, djal ap bange dromma.

Debleskri gili 15:2

Koles kokres, kai i djudjo djipen djiwell, un hako tsiro krell, hoi tchatcho hi. Kowa, kai kek chochepen rakrella,

1. Mose 17:7

Kowa, hoi me tuha win krau, atchell hako tsiro mange un tuke, tire tchawenge, kolengre tchawenge un lauterenge, kai pal tute wenna. Me hom tiro Dewel un ko Dewel tire tchawendar, kai pal tute wenna.

Louka 1:6

O Zachari un i Elisabet his latcho an o Debleskre jaka. Un jon shunan ap o Debleste, un kran lauter, hoi an o Debleskro lab tchinlo his.

Debleskri gili 26:1

I gili o Davidestar. Baro Dewel, de man miro tchatchepen! Kek doosh hi ap mande. Un me patsau tut, mo baro Debles, un perom gar tutar tele.

Jesaja 33:15

Kolla, kai an o tchatchepen tardo hi, un rakrenn, hoi tchatcho hi; kolla, kai kekeske chochepah lowe tele lenn, te wenn le brawelo, un tserdenn pengre wasta pale, te kamell jek len lowe te dell, te anenn le chochepen pre; kolla, kai shunenn gar ap kolende, kai kamenn jekes te marell, un kolla, kai djan gar kolentsa, kai o tchilatchepen krenn,

Debleskri gili 26:11

Me djiwau an kek tchilatchepen. Ab mange latches un le man win dran o merepen!

Hiob 1:1

An o them Uz djiwas i mursh, kowa kharas Hiob. Job his an o tchatchepen tardo, un kek doosh his ap leste. Job mangas o Debles an, un rikras pes dur krik o tchilatchepastar.

Gosewe laba 14:26

Kowa, kai djiwell o baro Debleha, koles hi soor an o dji. Ninna pral leskre tchawende rikrell o baro Dewel peskre wasta.