Gosewe laba 20:6 - O Debleskro Drom 2021 (Sinte)

⁶ Bud menshe sharenn pen pengro latchepah. Nai hatseh tchatchepah i murshes o labestar?

O Debleskro Lab 2024 (Sinte-Manouche)

⁶ Boud menshe sharenn pen pengro lačepah. Nay hatseh čačepah i morshes o labestar?

Gosewe laba 20:6 Referans Kwoze

Debleskri gili 12:1

I gili o Davidestar te giwess lat pash o bashepen ap i ochta-dorjengri bashepaskri.

Mateo 6:2

Tu te deh i tchorweles lowe, palle ma pen kowa hakeneske! Ma kre har kolla, kai hi len dui djia, un penenn an i biboldengre kangria un ap o drom, hawo latchepen jon kran, te wenn le i menshendar sharedo. Tchatchepah, me penau tumenge: Kolla lenna buder tchi o Deblestar. Jon anan pengro latchepen kokres dren.

Louka 18:8

Na-a, penau me tumenge: Jon lenn sik pengro tchatchepen. Hoi penenn tumer mange, te putchau tumendar: Te well o Mensheskro Tchawo pale, hatsell job menshen ap i phub, kai patsenn ap leste?”

Louka 22:33

Penas o Petro: “Rai, me djoms tuha an o stilepen un an o merepen.”

Louka 18:11

Ko Farisari tchiwas pes tardo un penas: Mo Dewel, me parkrau man pash tute, te hom gar jaake har kal wawar menshe: tchorepangre, chochene, un har kolla, kai chochenn pengri romjat i wawar djuwjah, un gar jaake har kowa, kai koi wergel tardo hi: Ko pale-tchiddo.

Gosewe laba 27:2

Muk i wawaren tut te sharell un gar tiro mui! Hi feteder te sharell tut i wawareskro mui har tiro mui.

Gosewe laba 25:14

Kolla, kai penenn, te denn le tchomone, un palle denn le kowa gar, kolla hi har wolke un i phurdepen, hoi denn kek brishin.

Jeremia 5:1

Djan kol dromma an Jerusalem pral un tele! Krenn tumare jaka pre un rodenn ap kol dromma o forestar! Te hatsenn jekes, kai djiwell an o tchatchepen, un rikrell pes ap o Debleste, palle bistrau i doosh o tselo forestar.

2. Korintarja 12:11

Tumer kran, te rakrom har i dinelo. Me hunte sharoms man gar. Na-a, tumer hunte sharans man. Ninna te woms me tchi, woms me jaake bud moldo har kol bare rakepangre pash tumende, kai penenn, te hi le bitchedo o Jesus Kristestar.

Johanni 1:47

Har o Jesus dikas, kai o Natanael was, penas job: “Dikenn, koi well i tchatcho Israelitari. Un kek chochepen hi an leste.”

Louka 18:28

Koi penas o Petro: “Mer mukam lauter tchiddo un djam tuha.”

Micha 7:2

Kek, kai o Debleskro drom djal, hi buder an kau them. Kek dell mank i menshende, kai an o tchatchepen tardo hi. Jek rodell, har te marell lo o wawares. Un hakeno lell o wawares palla, te taprell lo les.

Sikepaskro 7:28

Har rodom kate te kote, hatsom win: Me nai haiwau gar halauter. Jek koowa dikom: Mank serja menshe hatsom jek mursh, kai his, har hunte wals lo. Sawi djuwel hatsom me gar mank kol bud djuwjende.

Gosewe laba 20:5

Kowa, hoi i mensho peske glan lell, hi dur tele an peskro dji har pani an i brunna. I gosewo anell kowa nai pre.

Debleskri gili 12:2

Baro Dewel, ab ap miri rig! Tire menshe hi buder gar bud. Awa, kolla, kai patsle hi mank i menshende, hi gar bud.

Micha 7:1

Me bibachtelo, mange hi har jekeske, kai bokella, un hatsell kek phabja ap o ruk, un kek drake ap i drakengro ruk. Kol tsele latche phabja un gudle drake hi krik.