Gosewe laba 2:9 - O Debleskro Drom 2021 (Sinte)

⁹ Palle haiweh, hoi glan o Debleste mishto un tchatcho hi, har nai djah ap leskro drom, un djiweh i djipen, hoi an leskre jaka latcho hi.

O Debleskro Lab 2024 (Sinte-Manouche)

⁹ Palle hayveh, hoy glan o Debleste mishto oun čačo hi, har nay djah ap leskro drom, oun djiveh i djipen, hoy an leskre yaka lačo hi.

Gosewe laba 2:9 Referans Kwoze

Jeremia 6:16

O baro Dewel penas lenge: Atchenn tardo ap ko drom, kai tumer djan! Dikenn un putchenn pal i phure dromma! Hatsenn win, hawo drom anell tumenge latchepen! Un djan kau drom! Palle well shukapen an tumare djia. Jon penan: Kowa kamah mer gar te krell.

Jesaja 48:17

O baro Dewel, kowa, kai tut, Israel, win las dran o pandepen, job, o tchatcho Dewel, hi o Israeleskro Dewel un penell: Me, o baro Dewel, hom tiro Dewel, kowa, kai tute sikrell, hoi tuke mishto hi, un ap hawo drom tu hunte djas.

Johanni 14:6

“Me hom o drom, un o tchatchepen un o djipen,” penas o Jesus. “Dell kek wawar drom pash o dadeste, har man.

Debleskri gili 119:99

Me rakrau miro djijeha pral tire laba, hoi menge sikrenn, har te djiwas. Doleske haiwau budeder har mire sikepangre.

Debleskri gili 32:8

“Me kamau tute te sikrell hawo drom tu hunte djas, un penau tuke, har tu les djas, un dau jak ap tute,” penell o baro Dewel.

Jesaja 35:8

Un kote hi palle i drom, hoi kharell ‘Debleskro drom’. Kek, kai pale-tchiddo glan o Debleste hi, nai djal ap leste. Kokres o Debleskre menshe djan ap leste. Kek, kai djal ap ko drom, nashrell pes, witar kek, kai gar bud haiwell.

Debleskri gili 119:105

Tiro lab hi har i momeli, hoi sikrell, kai te djap, awa, i momeli ap miro drom.

Gosewe laba 4:18

O drom kolendar, kai o tchatchepen krenn, hi har o kham, hoi taissarlakro pre djal, un o diwes anell un sorleder well bis te hi lo pralstunes tardo.

Gosewe laba 8:20

Kote, kai i menshe ap o tchatcho drom djan, un an o tchatchepen tardo hi, kote hom me ninna,

Gosewe laba 28:5

Tchilatche menshe haiwenn gar, hoi o tchatchepen hi. Kolla, kai o baro Debles rodenn, kolla haiwenn lauter mishto.

Debleskri gili 25:12

Hoi hi ko mursheha, kai djiwell o baro Debleha? Koleste sikrell lo hawo drom job te djal.

Gosewe laba 4:12

Ap kau drom hi tuke kek barra tchiddo, hoi tire herja nai pale rikrenn. Ninna te nasheh sik, hi tchi koi, pral koleste tu nai pereh.