Gosewe laba 2:6 - O Debleskro Drom 2021 (Sinte)

⁶ O baro Dewel hi kowa, kai dell goswepen. Lestar well, te djinell un haiwell i mensho bud koowa.

O Debleskro Lab 2024 (Sinte-Manouche)

⁶ O baro Devel hi kova, kay dell gosvepen. Lestar vell, te djinell oun hayvell i mensho boud koova.

Gosewe laba 2:6 Referans Kwoze

Jakobo 1:5

Te djinell jek tumendar gar, hoi o Dewel lestar kamella, palle nai mangell lo o Debles, te sikrell job leste kowa. O Dewel hi latcho, un job dell o djijestar, ninna te weh tu bud kope pash leste.

Debleskri gili 119:98

Tire laba hi hako tsiro miro brawlepen, un krenn man gosweder har kolen, kai mange tchilatchepen kamenn.

Hiob 32:8

Hi tchatcho, kowa, hoi krell i menshes gosewo, hi o ducho o sorelo Deblestar, koles job an i mensheste dren tchiwas.

Louka 21:15

Me dau tumen ko goswepen, un penau tumenge, hoi tumer hunte penenn. Un palle djinenn le buder gar, hoi te penenn le.

Jesaja 54:13

O baro Dewel sikrell peskro drom tire tsele tchawende, un lenge djal mishto.

Johanni 6:45

An o Debleskro lab tchinan kol Debleskre rakepangre: O Dewel hi o sikepaskro halauterenge. Hakeno, koon ap o dadeste shunella un krell, hoi job kamella, well pash mande.

1. Rajengro liil 3:12

Doleske krau jaake har tu kowa mandar mangal. Me dau tut i gosewo dji, te haiwess halauter, hoi glan tute wella. Jaake his pash kekeste glan tute. Un pal tute well witar kek, har tu hal.

Jakobo 1:17

Lauter, hoi hi mishto un latcho, wella o Deblestar an o bolepen. Job kras o kham un o tchon un i bolepangre momlia. Kolla krenn, te well diwes un rat, un jon wenn jek tsiro diklo un i wawar tsiro gar diklo. O Dewel hi gar jaake. Job atchell, har job hi.

Debleskri gili 119:104

Tiro lab krell man gosewo. Doleske nai dikau gar chochene dromma glan i jaka.

Daniel 2:23

Tu, o Dewel mire phurendar, pash tute parkrau man un tut sharau, te dal man goswepen un soor, un mukal man te djinell, hoi tutar mangam, un sikral man kowa, hoi o baro rai kamell te djinell.

Daniel 1:17

Un kol star terne murshen das o Dewel i baro goswepen, te haiwan le lila an bud rakepen te drawerell. Ninna haiwan le pen win an bud koowa. Un o Daniel haiwas ninna te penell, hoi sunja un dikepen kamenn te penell.

Jesaja 8:20

Rikrenn tumen ap o Debleskro drom, un ap kowa, hoi job tumende sikrell! Te penenn i menshe tumenge wawar koowa, palle well lenge kek momeli ap lengro drom.

Daniel 2:21

Job hi o rai pral o tsiro, un dell hakeneste peskro tsiro; job lell i bare rajendar lengro them, un tchiwell wawar rajen dren; job dell i gosewen lengro goswepen un kolen, kai haiwenn tchomone, das job an o shero, te nai haiwenn le.

Gosewe laba 6:23

Kowa, hoi tiro dad un tiri dai tuke pashel anan, hi har i momeli ap tiro drom. Te denn le tut trad, rikrenn le tut ap o drom, hoi o djipen anell.

Debleskri gili 19:7

O kham djal pre ap koi jek rig o bolepastar, un nashell peskro drom bis ap i wawar rig, un glan leskro tatepen atchella tchi khatedo.

1. Rajengro liil 3:9

Doleske mangau tut, de man i dji, hoi shunella, hoi tu peneh, te nai rakrap o tchatchepen win pral i menshende, un te haiwap, hoi mishto un hoi gar mishto hi. Har nai dap hakeneste tire bud menshendar peskro tchatchepen, tu te deh kowa mande gar?”

2. Mose 31:3

Me tchiwom miro ducho an leste, un dom les goswepen un wasta, hoi haiwenn mishto te budrell,

1. Familjakro liil 22:12

Mu dell lo tut goswepen, te djiness, hoi te kress. Job krell tut rai pral Israel, te djas ap leskro drom.

Nehemia 7:5

Un miro Dewel das man an o dji, te dom khetne gole i pralstunen un tchatchepangre murshen, un lauter, kai kote djiwan, te wenn lengre laba pre tchinlo, hakeno pash peskri familja. Un me hatsom o familjakro liil kolendar, kai i glanstune his, kai pale wan. An ko liil his tchinlo:

Hiob 22:22

Muk tuke dran leskro mui tchomone te penell, un rike leskre laba an tiro dji!

Debleskri gili 51:6

Ap tute kokres krom, hoi tchilatcho hi. Awa me krom, hoi midjak hi glan tire jaka. Doleske hi tut tchatches an tiro rakepen. Tu kreh o tchatchepen, te deh man i phagi.

Sikepaskro 2:26

Kol menshe, kai djiwenn jaake har glan o Debleste mishto hi, kolla lenna lestar goswepen un bacht an o dji. Kolla, kai djan o Debleskro dromestar tele, kolen mukell lo te budrell un brawlepen khetne anell, hoi pal i tsiro i wawareske well, jekeske, kai djiwell jaake har glan o Debleste mishto hi. Palle his leskri tseli budi tchitcheske, un jaake har te nashals lo pal o ducho, hoi djal pral i phub.

1. Rajengro liil 10:24

Un menshe dran i tsele themma ap kai phub kaman o Salomes te dikenn, te nai shunenn le leskro goswepen, hoi o Dewel leske an o dji tchiwas.

Esra 7:25

Un tu Esra, tchip o goswepah, hoi tiro Dewel tut dell, tchatchepangren un rakepangren an i budi dren, te rakrenn le o tchatchepen win i tsele menshenge, kai wergel o panjestar Eufrat djiwenna, halauterenge, kai i laba tiro Deblestar prindjrenn. Un koon kal laba gar prindjrell, koleske sikrenn, hoi tumaro Dewel lestar kamell!

Hiob 12:13

O Debles hi goswepen un ninna soor. Job haiwell halauter, un nai penell, hoi te well kerdo.

Hiob 12:16

Pash leste hi i soor un o tchatcho goswepen. Les hi ninna i soor pral koleste, kai perell o tchatcho dromestar tele, un pral koleste, kai anell les o tchatcho dromestar tele.

Debleskri gili 19:8

O baro Debleskre laba hi lauter tchatcho un krenn mare djia sorelo. O baro Debleskro rakepen hi latcho, un krell i dinelen gosewo.

Debleskri gili 94:10

Kowa, kai i menshen an i wawar themma tchingrell, dell lo tumen kek phagi? Job hi o sikepaskro halauterendar – hi les kek goswepen?

Debleskri gili 119:34

Muk man lauter haiwell, te dap jak ap tiro drom, un shunap ap tute o tselo djijestar.