Gosewe laba 18:5 - O Debleskro Drom 2021 (Sinte)

⁵ Hi gar mishto, te dell i tchatchepaskro mursh koles tchatchepen, kai i doosh ap peste anas, un shunell gar ap koleste, kai an o tchatchepen tardo hi.

O Debleskro Lab 2024 (Sinte-Manouche)

⁵ Hi gar mishto, te dell i čačepaskro morsh koles čačepen, kay i doosh ap peste anas, oun shounell gar ap koleste, kay an o čačepen tardo hi.

Gosewe laba 18:5 Referans Kwoze

3. Mose 19:15

Te well o tchatchepen win kerdo, palle de koles peskro tchatchepen, koles tchatcho hi! Ma tserde koles glan, kai tchorwelo hi, witar gar koles, kai brawelo hi. Hakeno hunte lell peskro tchatchepen.

Gosewe laba 28:21

Te dikeh latcheder ap o braweleste har ap o tchorweleste, hi kowa gar mishto. I kotar mareske nai anell i mursh doosh ap peste.

5. Mose 16:19

Te hal tu i tchatchepaskro, hunte dess tu koles peskro tchatchepen, koon an o tchatchepen hi. Tu dikess gar koi pre, koon glan tute tardo hi. Te dell jek tut kutch koowa, te dess tu les tchatchepen, ma le kowa an! Koon sawo shukar kutch koowa an-lell, well korelo o tchatchepaske, un dikell buder gar, koon an o tchatchepen hi.

Debleskri gili 82:2

“Har rah djan tumer gar pal o tchatchepen? Har rah denn tumer koleste peskro tchatchepen, koles gar tchatcho hi?

Gosewe laba 24:23

Ninna kolla hi laba, hoi i gosewe penan: Kowa hi gar mishto, te dikenn i tchatchepangre mursha jekes feteder an har o wawares.

Gosewe laba 17:15

Kowa hi dui kope i djungelo koowa glan o baro Debleskre jaka: te rakrell jek koles tchatches, kai doosh ap peste las, un ninna, te tchiwell jek doosh ap koleste, kai o tchatchepen kras.

Mateo 22:16

Un jon bitchran pengre murshen pash leste. Lentsa djan ninna wawar mursha. Kolla his o Herodeskre mala. Un jon penan ap leste: “Sikepaskro, mer djinah, tu peneh o tchatchepen, un sikreh mishto i menshende o Debleskro drom. Tu rakreh kekeske pal o mui, ninna te hi len bud penepaske.

Jesaja 5:23

Djungeles djal kolenge, kai i lowenge koles an o tchatchepen tchiwenn, kai doosh ap peste anas, un kolenge lengro tchatchepen krik lenn, kai an o tchatchepen tardo hi.

Hiob 34:19

Job dikell gar i pralstunes feteder an har i wawares, un tserdell o braweles gar o tchorweleske glan. Leskro wast kras len halauter.

Micha 7:3

Lengre wasta hi sik, te krenn le tchilatcho koowa. I pralstune un tchatchepangre raja denn kolen o tchatchepen, kai denn len lowe. Kol sorele an o them krenn, hoi le kamenn, chochenn un rissrenn o tchatchepen trujel.

Jesaja 59:14

Mer dam i wawaren gar lengro tchatchepen, un bud kope rakram gar o tchatchepen pral lende win. Ap i parepaskri platsa ginam un bikram o chochepah, un tchatcho rakepen hatseh kote gar.

2. Mose 23:2

Ma rike pash kolende, hoi djan ap i tchilatcho drom, ninna te hi jon bud! Te putchenn tutar i tchatchepangre, ma pen tchomone wawares har o tchatchepen, ninna te chochenn i tsele wawar.

2. Mose 23:6

Te hal tu i tchatchepaskro, hunte dess tu koles peskro tchatchepen, koon an o tchatchepen hi, ninna te hi lo tchorwelo.

Gosewe laba 17:26

Kowa hi gar mishto, te lell kowa i phagi, kai kek doosh ap peste anas. Gomme djungleder hi, te chal i an-diklo mensho dawa.

Gosewe laba 31:5

Te pijenn le, nai bistrans le, hoi o Dewel lendar kamell, un dikenn buder gar koi pre, te lenn i tchorwele pengro tchatchepen.

Micha 3:9

Jaake shunenn kowa, tumer pralstune an o kheer Jakob, un tumer raja an o kheer Israel! Tumer, kai stakrenn tumare pirentsa ap o tchatchepen trujel, un penenn fun kowa, hoi tchatcho hi: Kowa hi chochepen.

2. Mose 23:3

Pen o tchatchepen, ninna te hi kowa i tchorwelo, kai chochras.