Gosewe laba 16:21 - O Debleskro Drom 2021 (Sinte)

²¹ Kowa kai haiwell, hoi mishto un gar mishto hi, kowa well kharedo ‘gosewo mursh’. Un jek, kai latche laba hatsell, hi i latcho sikepaskro.

O Debleskro Lab 2024 (Sinte-Manouche)

²¹ Kova kay hayvell, hoy mishto oun gar mishto hi, kova vell kharedo gosevo morsh. Oun yek, kay lače laba hatsell, hi i lačo sikepaskro.

Gosewe laba 16:21 Referans Kwoze

Jesaja 50:4

O baro Dewel, miro rai, das man i tchip har i siklen jek hi, te djinap, har te rakrap latches kolentsa, kai khino hi. Taissarlakro djangrell lo mire kanna pre, te shunap har jek, hoi lestar siklo well.

Gosewe laba 15:7

I gosewengro rakepen sikrell i wawarende, hoi lenge mishto hi. Kowa, hoi i dinelen an o shero hi, hi tchi moldo.

Gosewe laba 27:9

Djet un sungepaskre kashta krenn o dji bachteles. Feteder hi o djijeskro kamlepen i malestar.

Jakobo 3:17

Ko goswepen, hoi o Deblestar wella, hi wawartchandes. I mensho, kai hi les kau goswepen, kowa djiwell i djudjo djipen. Job kamell te djiwell lo latches i wawarentsa khetne. Job hi kamlo un latcho. Les hi i dji i wawarenge, un krell bud latcho koowa. Job mukell pes gar ap jekeskri rig te tserdell. Les hi gar dui tchipja.

Johanni 7:46

“Har kawa mursh rakras, shunam mer maro tselo djipen gar!” penan i kliste ap lende.

Louka 4:22

Lauter rakran lestar mishto, un leskro rakepen his lenge pherdo latchepen. Un jon kran bare jaka. Un jon penan: “Hi kawa gar o Josefeskro tchawo?”

Sikepaskro 12:10

Job rodas, te hatsell lo kamle laba. Un job tchinas pre, har tchomone tchatchepah hi.

Gosewe laba 23:15

Miro tchawo, te hi tiro dji tchatches gosewo, palle hi miro dji ninna bachtelo.

Gosewe laba 10:8

Koles, kai i gosewo dji hi, rikrell pes ap kol laba, hoi leske penlo wan. jek, kai dinelo koowa rakrell, nashrell halauter.

Debleskri gili 45:2

Miro dji hi pherdo shukar laba i giljake, hoi kamau te giwap miro baro rajeske. Miri tchip hi har i tchinepaskro jekestar, kai haiwell mishto laba te tchinell.

1. Rajengro liil 3:12

Doleske krau jaake har tu kowa mandar mangal. Me dau tut i gosewo dji, te haiwess halauter, hoi glan tute wella. Jaake his pash kekeste glan tute. Un pal tute well witar kek, har tu hal.

Remarja 16:19

Bud menshe shunan, kai tumer ap o Debleste patsenn un ap leste shunenn. Doleske hom me bachtelo pral tumende. Un me kamau o tselo djijestar, te haiwenn tumer bud un budeder, hoi latcho hi, un te krenn kek tchilatcho koowa.

Mateo 11:25

Un ap kau tsiro penas o Jesus: Tata, tu hal o rai pral o bolepen un i phub. Me sharau tut. Kowa, hoi tu kreh, sikral tu kolende, kai gar bud djinenna. Kolla, kai gosewo hi un bud djinenna, kolla haiwenn kowa gar.

Gosewe laba 16:22

Tchatcho goswepen hi har djido pani koleske, kai les hi. O dinlepen hi i phagi kolenge, kai dinelo hi.

Hosea 14:9

Palle penell o Efrajim ap mande: Hoi te krap kanna i mule deblentsa? Me shunau un dikau ap tute. Me hom har i baro senelo ruk. Kowa, hoi ap mande bares well, well tutar.

Gosewe laba 10:13

Kowa, kai haiwell, hoi mishto un gar mishto hi, rakrell gosewe laba. Koles, kai tchi an o shero hi, kowa lell dawa.

Gosewe laba 10:23

O dineleske hi shukar, te krell lo wi-ladjedo koowa. O gosewo mursheske hi shukar, te haiwell lo gomme budeder.