Gosewe laba 15:2 - O Debleskro Drom 2021 (Sinte)

² O gosewo rakrell jaake, te haiwenn i wawar, hoi mishto hi. Dran o narweleskro mui well tchi har dinlepen.

O Debleskro Lab 2024 (Sinte-Manouche)

² O gosevo rakrell yaake, te hayvenn i vavar, hoy mishto hi. Dran o narveleskro mouy vell či har dinlepen.

Gosewe laba 15:2 Referans Kwoze

Gosewe laba 12:23

Jek, kai gosewo hi, sikrell gar, har bud job djinell. I dinele denn pengro dinlepen win gole.

Gosewe laba 15:28

Koon an o tchatchepen tardo hi, rakrell peskro djijeha glan kowa job tchomone penell. Dran o mui o tchilatchestar wenn tchilatche laba win har diwjo pani.

Gosewe laba 13:16

Hakeno, kai gosewo hi, krell tchi, te rakras lo gar peskro djijeha pral kowa. I dinelo mensho dell peskro narwlepen win gole.

Jesaja 50:4

O baro Dewel, miro rai, das man i tchip har i siklen jek hi, te djinap, har te rakrap latches kolentsa, kai khino hi. Taissarlakro djangrell lo mire kanna pre, te shunap har jek, hoi lestar siklo well.

Gosewe laba 16:23

I mensho i gosewo djijeha rakrell laba, hoi mishto hi. Un kowa, hoi lo penell, sikrell i wawarende, hoi te krenn le.

Gosewe laba 15:23

Bachtelo hi o mursh, te djinell lo, hoi te rakrell lo. Har latcho hi o tchatcho lab ap o tchatcho tsiro.

Debleskri gili 59:7

Haki rat wenn le pale un nashenn tchorchanes trul o foro. Har djukle denn le gole.

Debleskri gili 45:1

I bijabeskri gili jekestar, kai hi dran i familja Korach. Koi gili hi o rajeske pral i gipangre, te giwell pash o bashepen ap i shob-dorjengri bashepaskri.

Gosewe laba 15:7

I gosewengro rakepen sikrell i wawarende, hoi lenge mishto hi. Kowa, hoi i dinelen an o shero hi, hi tchi moldo.

Sikepaskro 5:3

Te deh tu tut sowel glan o Debleste, palle muk tut tchitchestar pale te rikrell, te kress kowa, hoi glan leste penal! O Dewel dikell gar latches ap ko dineleste, kai nai rikrell gar, hoi lo sowel das.

Sikepaskro 10:14

Ko dinelo krell bud laba un haiwas gar, kai kek mensho djinella, har halauter wella. Un kek nai penell leske, hoi pal leste wella.

Gosewe laba 5:2

Palle haiweh hoi mishto hi, un tire laba sikrenn, kai hal gosewo.