Gosewe laba 14:11 - O Debleskro Drom 2021 (Sinte)

¹¹ O kheer o tchilatchestar well tele phagedo, i familjake kolestar, kai djal o tchatcho drom, djal mishto un well bareder.

O Debleskro Lab 2024 (Sinte-Manouche)

¹¹ O kheer o čilačestar vell tele phagedo, i familyake kolestar, kay djal o čačo drom, djal mishto oun vell bareder.

Gosewe laba 14:11 Referans Kwoze

Gosewe laba 3:33

O baro Dewel tchiwell i bibacht ap o kheer i tchilatchendar, un bacht ap o kheer kolendar, kai an o tchatchepen tardo hi.

Gosewe laba 12:7

I tchilatche wenn tele witsedo un hi gar buder koi. O kheer kolendar, kai an o tchatchepen tardo hi, atchell tardo.

Zakarie 5:4

O baro Dewel, ko rai pral o bolepen un i phub, penell, ko praassepen te well pral o tchorepaskro kheer un an o kheer kolestar, kai dell pes i chocheno sowel an o lab o baro Deblestar. Ko liil atchell an lengre khera, un chal len pre, ninna lengro kasht un lengre barra.”

Gosewe laba 21:12

O Dewel hi an o tchatchepen tardo, un lell o tchilatcheskri familja an i jak, un witsrell i tchilatchen an i bibacht.

Hiob 21:28

Tumer penenn: “Hoi was dran o kheer ko rajestar, kai jaake bud tchilatchepen kras?”

Gosewe laba 21:20

I shukar brawlepen un kutch djet hi an o kheer kolestar, kai gosewo hi. I dinelo dell peskre lowe sikeder win, har lell lo len.

Gosewe laba 11:28

Kowa, kai tchiwell peskro dji ap peskro brawlepen, merell tele har patria. Kolenge, kai krenn o tchatchepen, djal mishto har i senelo ruk.

Hiob 8:15

Rikrell lo pes ap peskro kheer, phagell kowa khetne. Rikrell lo pes ap kowa, hoi les hi, atchell kowa gar.

Debleskri gili 128:3

Khere hi tiri romni. Un joi hi har i drakengro ruk, hoi bud drake hidjrella. Un tire tchawe hi beshdo trul tiri chapaskri har terne djeteskre ruka.

Hiob 18:21

Tchatchepah, jaake djal i tchilatchenge un kolenge, kai kamenn tchi o Deblestar te djinell.

Hiob 15:34

Jaake djal i familjenge kolendar, kai djiwenn kek Debleha. Jon atchenn kek tchawentsa. Un i jag chatchrell lengre khera pre, hoi kran le kol lowentsa, hoi lenge plaissedo was te chochenn le.

Hiob 8:6

un djiweh i djudjo djipen an o tchatchepen, palle stell lo tuke pre, un mukell les tuke un tiri familjake pale mishto te djal, jaake har tchatcho hi.

Gosewe laba 15:25

O baro Dewel phagell o kheer kolestar, kai pre-phurdo hi. Job dell jak, te lell kek koi phub i romjatar krik, kolakro rom meras.

Hiob 8:22

Kolla, kai kamenn tuke tchilatchepen te krell, hunte ladjenn. Un i khera i tchilatchendar atchenn gar tardo.

Debleskri gili 37:10

An i tikno tsiro hi o tchilatcho buder gar koi. Un kote, kai job djiwas, hatseh les buder gar.