Gosewe laba 14:10 - O Debleskro Drom 2021 (Sinte)

¹⁰ Ko mensho, koleskro dji rowell, hi kokres. Un ninna te stell leskro dji i bachtjatar, nai haiwell kek wawar tchatchepah leskri bacht.

O Debleskro Lab 2024 (Sinte-Manouche)

¹⁰ Ko mensho, koleskro dji rovell, hi kokres. Oun ninna te stell leskro dji i barhtyatar, nay hayvell kek vavar čačepah leskri barht.

Gosewe laba 14:10 Referans Kwoze

Filiparja 4:7

Palle dell o Dewel tumen peskri bacht an o dji. Leskri bacht hi jaake baro, kai nai haiwah kowa gar. Un o Jesus Kristo rikrell tumaro dji, un lell tumari daar krik.

Gosewe laba 18:14

I mensho kai sorelo an peskro dji hi, nai hidjrell peskro nasslepen. Te hi leskro dji phagedo, har nai hidjrell lo peskro pharepen?

Gosewe laba 15:13

I bachtelo dji mukell o mujes te sal. Kones i pharo dji hi, koles hi tchi sapaske.

Hiob 10:1

Kamau buder gar te djiwell. Doleske rikrau miro ropen ninna gar pale, un rakrau jaake, har miro dukedo dji mange penell.

Debleskro tsiro 2:17

Shunenn halauter mishto, hoi o Debleskro Ducho penella ap i patslende! Kowa, kai soreles an o patsepen atchas, un gar pre das, koles dau ko maro dran o bolepen te chal, hoi kharella Manna. Ninna dau les i parno bar. Ap koleste hi o newo lab tchinlo, koles kek prindjrell, har kowa, kai les lella.”

1. Petro 1:8

Koles kamenn tumer o djijestar, ninna te dikan les gar. Ap leste patsenn tumer, ninna te dikenn les kanna nai gar. Tumaro patsepen anell tumen pash o Debleste an o bolepen. Kote hi tumari bacht jaake baro, hoi i labentsa nai gar penenna.

Johanni 14:18

Me mukau tumen gar kokres, har te well tumen kek dad. Me wau pash tumende.

Hiob 7:11

Doleske kamau me ninna gar miro mui te rikrell, kamau te rakrap dran miro djijeskri daar, un miri bari duk win gole te dell.

1. Samuel 1:10

Un lakro dji rowas, un joi mangas o baro Debles un rowas soreles ap leste,

Johanni 12:27

Man hi daar an miro dji. Hoi nai penap me? Tata, le mandar kowa krik, hoi ap mande wella? Na-a, me wom ap kai phub, te lap kowa ap mande, hoi kanna wella.

Ezekiel 3:14

Un o ducho hadas man pre un las man krik. Un an mande his i bari choli. Kowa, hoi o baro Dewel mande sikras, his phares tchiddo ap mande.

Debleskri gili 25:14

O baro Dewel hi o maal kolenge, kai djiwenn leha, un lende sikrell lo, te hi lo lengro Dewel un jon peskre menshe.

Hiob 9:18

Job mukell man gar jek kopo ducho te lell, na-a, job krell man pherdo ropen un duk.

2. Rajengro liil 4:27

Har joi pash o Debleskro mursheste ap koi berga was, tapras joi leskre herja trujel. O Gehasi was, te dell lo lat i spildini. Koi penas o Debleskro mursh: “Muk lat! Lake hi ropaske, un me djinau gar hoske. O baro Dewel penas mange tchi, hoi djas.”

Johanni 14:23

Koi penas o Jesus ap leste: “Te kamell man jek o djijestar, kowa krell, hoi me penau. Koles kamell miro dad. Un mer wah pash leste un atchah pash leste.

1. Mose 42:21

Un jek penas ap o wawareste: “Tchatchepah, kanna lah koi phagi, hoi mer maro phraleske kram. Mer dikam leskri daar, hoi les his, har job men mangas, te mukas les te djiwell. Un mer shunam gar ap leste. Dran kowa well koi bibacht pral mende.”

Hiob 21:25

Ko wawar merell pal i pharo djipen un dikas kek bacht.

1. Samuel 1:15

I Hanna penas: “Ma rikrenn man mateske, miro rai! Mool pijom me gar un tchi wawar, hoi jekes mato krell. Me hom tchi wawar har i djuwel, kai lat i pharo dji hi. Un kowa tchorom win glan o baro Debleste.