Gosewe laba 13:6 - O Debleskro Drom 2021 (Sinte)

⁶ Lengro tchatcho koowa anell kolen dran i bibacht win, kai kek doosh ap lende hi. I doosh i tchilatchendar anell len an i bibacht.

O Debleskro Lab 2024 (Sinte-Manouche)

⁶ Lengro čačo koova anell kolen dran i bibarht vin, kay kek doosh ap lende hi. I doosh i čilačendar anell len an i bibarht.

Gosewe laba 13:6 Referans Kwoze

Gosewe laba 11:3

Lengro djudjo dji anell i latchen ap o tchatcho drom. Ko midjak koowa, hoi i phukepangre krenn, well ap lende pale un phagell len.

Gosewe laba 21:12

O Dewel hi an o tchatchepen tardo, un lell o tchilatcheskri familja an i jak, un witsrell i tchilatchen an i bibacht.

Debleskri gili 140:11

Muk jagakre barra ap lende te perell! Witse len an i jag! Muk len te perell an o telstunepen, jaake te nai stenn le buder gar pre!

Debleskri gili 26:1

I gili o Davidestar. Baro Dewel, de man miro tchatchepen! Kek doosh hi ap mande. Un me patsau tut, mo baro Debles, un perom gar tutar tele.

Debleskri gili 25:21

Me rikrau man ap tute miro tselo djijestar. Doleske muk man te djiwap miro djipen an djudjepen un tchatchepen.

Debleskri gili 15:2

Koles kokres, kai i djudjo djipen djiwell, un hako tsiro krell, hoi tchatcho hi. Kowa, kai kek chochepen rakrella,

Gosewe laba 5:22

O tchilatcho koowa pandell koles, kai kowa krella. Leskri doosh hi har shelle, hoi les pandenn.

2. Familjakro liil 28:23

Job chatchras viechen glan i chochene debla dran o foro Damaskus, ninna te dan i lurde dran Damaskus leskre lurden khetne. Job penas: “Kal debla wan i bare rajenge pral o them Syria ap i rig; doleske anau len viechen, te wenn le mange ninna ap i rig.” Kolla anan les un i tsele menshen an leskro them an i bari bibacht.

Debleskri gili 119:1

Har bachtelo hi kolla, kai jaake djiwenna, te hunte tchingrell o Dewel gar lentsa, kolla, kai ap o baro Debleskro drom djana.

Gosewe laba 10:29

O drom o baro Deblestar hi har i sorelo kheer kolenge, kai an o tchatchepen tardo hi. I tchilatchen anell lo an o merepen.

Gosewe laba 11:20

O baro Dewel dikell chojedes ap kolende, kolen dui djia hi. Latches dikell lo ap kolende, kai o tchatcho drom djan.

1. Rajengro liil 1:52

O Salomo penas: “Te rikrell lo ap mande, krau leske tchi; hatsau tchilatchepen ap leste, hunte merell lo.”

1. Rajengro liil 13:34

Kai doosh, hoi anas o Jerobeam ap peste, kras, te meras leskri familja win, un was buder gar hatslo ap i tseli phub.