Gosewe laba 13:25 - O Debleskro Drom 2021 (Sinte)

²⁵ Koles, kai an o tchatchepen tardo hi, hi doha chapaske. O per i tchilatchestar bokella.

O Debleskro Lab 2024 (Sinte-Manouche)

²⁵ Koles, kay an o čačepen tardo hi, hi doha rhapaske. O per i čilačestar bokella.

Gosewe laba 13:25 Referans Kwoze

Debleskri gili 34:10

Tumer, kai o baro Debleskre menshe han, djiwenn leha! Kolen, kai djiwenn leha, hi lauter o djipaske.

Gosewe laba 10:3

O baro Dewel mukell i latches gar te bokell. Krik pestar tradell lo ko tchilatches, koles bok pral bud koowa hi.

Hebrearja 13:5

Ma nashenn i lowe palla! Kowa, hoi tut hi, kowa muk tuke doha te well! O Dewel penas: Me bistrau tut gar, un mukau tut kek tsireske!

1. Timoteo 4:8

Te dikeh ap kowa, te wenn tire mussja un herja soreles, hi kowa gar bud moldo. Te dikeh ap kowa, te well tiro patsepen soreles, hi kowa bud moldo, un tu leh o tchatcho djipen. Ko djipen dell tut o Dewel kanna ap kai phub un an ko tsiro, hoi wella.

Gosewe laba 6:11

Un jaake well o tchorwlepen pral tute har i tchorepaskro, kai lell tuke lauter krik, hoi tut hi.

5. Mose 32:24

I bokatar merenn le, un o fibro chal len pre. Pharo nasslepen marell len. Me bitchrau diwje vieche un tchilatche sapa mank lende, kai dandrenn len mulo.

2. Tessalonikarja 3:10

Ninna har pash tumende hams, penam tumenge: Kowa, kai kamell gar te budrell, kowa hunte chal witar gar.

Gosewe laba 24:34

palle well o tchorwlepen lengste herjentsa pral tute. Un tut wenn phare tsirja.

Debleskri gili 37:16

Ko tikno brawlepen, hoi koleskro hi, kai an o tchatchepen tardo hi, hi feteder har ko baro brawlepen bud tchilatchendar.

Debleskri gili 37:3

Dik ap o baro Debleste, te krell lo tuke latchepen! Un kre, hoi mishto hi! Atch an o them, un djib kolestar, hoi tire wastentsa budral!

5. Mose 28:48

Doleske bitchrell o baro Dewel wawar menshen pral tumende, kai kamenn tumen tele te rikrell. Un tumer hunte budrenn lenge, un bokenn un trushenn koi pashel. Tumen well gar doha an-ripaske, tchitchestar well tumen doha. O baro Dewel rikrell tumen jaake tele, har te wals i sasterni gustri trul tumari meen, bis te tumer mulo han.

Louka 15:14

Har les his buder tchi, was i bari bok pral o them un les his buder tchi te chal.

Debleskri gili 103:5

kowa, kai man tchales krella peskro latchepah, un man pale terno krella, un sorelo har i adlari.

Debleskri gili 132:15

Me dau i menshen an o foro Jerusalem lauter, hoi len hunte well djipaske. Ninna i tchorwelende, kai kote djiwenn, dau doha chapen.

Gosewe laba 13:18

An tchorwlepen un ladj well kowa, kai mukell pes tchi te penell. An-diklo well kowa, kai shunell, te well lo trad dino.