Gosewe laba 12:25 - O Debleskro Drom 2021 (Sinte)

²⁵ I pharo dji tserdell i menshes tele. I latcho lab krell les bachtelo.

O Debleskro Lab 2024 (Sinte-Manouche)

²⁵ I pharo dji tserdell i menshes tele. I lačo lab krell les barhtelo.

Gosewe laba 12:25 Referans Kwoze

Gosewe laba 16:24

Kamle laba hi har gwin, rakrenn kamles an o dji un denn newi soor.

Gosewe laba 15:13

I bachtelo dji mukell o mujes te sal. Kones i pharo dji hi, koles hi tchi sapaske.

Gosewe laba 17:22

I bachtelo dji hi mishto tiro sastepaske. Te hi tuke hako tsiro ropaske, nashreh tiri soor.

Jesaja 50:4

O baro Dewel, miro rai, das man i tchip har i siklen jek hi, te djinap, har te rakrap latches kolentsa, kai khino hi. Taissarlakro djangrell lo mire kanna pre, te shunap har jek, hoi lestar siklo well.

Gosewe laba 15:23

Bachtelo hi o mursh, te djinell lo, hoi te rakrell lo. Har latcho hi o tchatcho lab ap o tchatcho tsiro.

Zakarie 1:13

Un o baro Dewel rakras latche un kamle laba ap peskro bolepaskro.

Gosewe laba 12:18

Laba, hoi sik win rakedo wenna, nai denn tchurje har i charo. O rakepen i gosewe menshendar anell sastepen.

Gosewe laba 27:9

Djet un sungepaskre kashta krenn o dji bachteles. Feteder hi o djijeskro kamlepen i malestar.

Debleskri gili 42:11

Jon sanenn pral mande un putchenn mandar hako diwes: “Kai hi tiro Dewel? Kai atchell lo?” Lengro praassepen hi mange har i merepaskro dukepen an mire kokale.

Gosewe laba 18:14

I mensho kai sorelo an peskro dji hi, nai hidjrell peskro nasslepen. Te hi leskro dji phagedo, har nai hidjrell lo peskro pharepen?

Gosewe laba 25:11

I lab rakedo an o tchatcho tsiro, hi har sonakangre phabja an i rupeno tcharo.

Debleskri gili 38:6

Miro bud dukepen khandella, un i djelto pani djal dran o dukepen win. Dran miro dinlepen well kowa ap mande.

Gosewe laba 15:15

Kolen, kai i pharo dji hi, kolenge hi hake diwessa tchilatche. Jekes, kai shukapen an o dji hi, leskro dji giwell un bashrell hako diwes.

Gosewe laba 14:10

Ko mensho, koleskro dji rowell, hi kokres. Un ninna te stell leskro dji i bachtjatar, nai haiwell kek wawar tchatchepah leskri bacht.

Gosewe laba 12:26

Kowa, kai an o tchatchepen tardo hi, hatsell peskro drom. I tchilatchen anell pengro drom kote, kai djan le nashedo.

Gosewe laba 15:30

Te dikeh latches ap jekeste, well lo bachtelo. Te peneh leske i latcho lab, well lo sorelo.