Gosewe laba 12:22 - O Debleskro Drom 2021 (Sinte)

²² O baro Dewel dikell chojedes ap kolende, kai chochenna. Latches dikell job ap kolende, kai krenn o tchatchepen.

O Debleskro Lab 2024 (Sinte-Manouche)

²² O baro Devel dikell rhoyedes ap kolende, kay rhorhenna. Lačes dikell yob ap kolende, kay krenn o čačepen.

Gosewe laba 12:22 Referans Kwoze

Debleskri gili 5:6

Kol pre-phurden kameh tu gar glan tire jaka te dikell, un tu choireh tut ap hakeneste, kai i wawarenge tchilatchepen krella.

Debleskro tsiro 22:15

Win hi kolla, kai mukan o Debleskro drom, kolla, kai kran bengeskro koowa, kolla, kai lubran trujel, kolla, kai maran wawaren, kolla, kai mangan wawar koowa an har o Debles, un hakeno, kai kamell un krell o chochepen.

Gosewe laba 11:20

O baro Dewel dikell chojedes ap kolende, kolen dui djia hi. Latches dikell lo ap kolende, kai o tchatcho drom djan.

Jeremia 9:24

Shunenn, penell o baro Dewel, ko tsiro well, kai dau hakenes i phagi, kai tchinlo hi ap peskro mass, un djiwell, har te wals lo gar tchinlo:

Jesaja 9:15

I pralstune pral i menshende anenn i menshen ap bange dromma un krenn te djinenn jon buder gar, hoi tchatcho hi.

Gosewe laba 11:1

I waga, hoi sikrell gar tchatches, har pharo tchomone hi, hi i djungelo koowa glan o baro Debleskre jaka. Job hi bachtelo pral koleste, kai plaissrell pal o tchatcho pharepen.

Ezekiel 13:22

Tumare chochene labentsa dukran i djia kolendar, kai an o tchatchepen djiwenn, un kolenge kamom kek daar te krell. Un tumer kran i wasta kolendar sorelo, kai tchilatcho koowa krenn. Jaake kran tumer, te djan le gar tele lengro tchilatcho dromestar, te atchenn le djido.

Gosewe laba 15:8

O baro Dewel dikell chojedes ap kowa, hoi o tchilatcho leske anell. Te mangenn les kolla an, kai an o tchatchepen tardo hi, dikell lo latches ap lengro mangepen.

Ezekiel 13:19

Tumaro durkepah anenn tumer ladj ap mande glan mire menshende, te lenn i wast pherdo djob un i kotar maro. Mire menshenge penenn tumer chochene laba. Un jon kamenn te shunell ap chochepen. Tumaro chochepah anenn tumer sawe menshen an o merepen, kai hunte merans gar, un krenn, te atchenn sawe djido, kai hunte merans.

Debleskro tsiro 21:8

Kol wawar djan an i bari jag, hoi soreles chatchella un khandella. Kote merenn le o duito kopo. Jon hi kolla, kai i darjatar gar mantsa djan, kolla, kai phukran ap pengro patsepen, kolla, kai djungelo koowa kran, kolla, kai maran wawaren, kolla, kai lubran pen trujel, kolla, kai bengeskro koowa kran, kolla, kai mangan wawar koowa an har o Debles, un i tsele chochene.

1. Rajengro liil 13:18

Kote penas o phuro ap leste: “Me hom ninna i Debleskro rakepaskro har tu, un i bolepaskro o baro Deblestar penas mange: ‘An les khere pash tute, te nai chal lo maro un te nai pijell lo pani!’” Chochepen his kowa, hoi ko phuro penas.

Debleskri gili 120:2

“Baro Dewel” penom, “ab un le man win dran i wasta kol chochenendar, kai dui tchipjentsa rakrenna.”

Gosewe laba 17:7

Kowa djal gar, te krenn i narwele bare un shukar laba. Witar gar djal, te rakrell i an-diklo mursh chochepen.