Gosewe laba 11:9 - O Debleskro Drom 2021 (Sinte)

⁹ Jek, kai kamell tchi o Deblestar te djinell, anell peskro rakepah i wawaren o Debleskro dromestar tele. Kolla, kai an o tchatchepen tardo hi, lenn pengro gosewo rakepah wawaren dran o merepen win.

O Debleskro Lab 2024 (Sinte-Manouche)

⁹ Yek, kay kamell či o Deblestar te djinell, anell peskro rakepah i vavaren o Debleskro dromestar tele. Kolla, kay an o čačepen tardo hi, lenn pengro gosevo rakepah vavaren dran o merepen vin.

Gosewe laba 11:9 Referans Kwoze

1. Johanni 2:27

O Jesus Kristo das tumen o Debleskro Ducho. Kowa atchell an tumende. Doleske hunte well tumen kek wawar sikepaskro. O Debleskro Ducho sikrell tumende o tselo Debleskro drom. Un lauter, hoi job tumende sikrell, kowa hi tchatcho un kek chochepen. Krenn kowa, hoi o Debleskro Ducho tumende sikrella! Jaake atchenn tumer o Jesus Kristeha khetne.

1. Johanni 2:21

Me tchinom tumenge gar, har te prindjrans tumer o tchatchepen gar. Tumer prindjrenn les, un djinenn, kai kek chochepen dran o tchatchepen wella.

Bičepangre 20:30

Ninna dran tumende wenn mursha, kai penenn i patslenge chochene laba, hoi gar o Deblestar wella. Un jon tserdenn i patslen ap pengri rig.

Debleskri gili 55:12

O tchilatcho koowa hi baro mank lende. Ap i dromma, kai parenn un bikrenn le, wenn i menshe tikno rikedo un chochedo.

Mateo 7:15

Denn jak, te patsenn gar kol chochene rakepangren, kai penenn, te wans le o Deblestar bitchedo! Jon krenn, har te wans le tumare phrala. An lengro dji hi le diwje djukle, kai marenna.

Hiob 34:30

te tchiwals o Dewel i tchilatches pral lende, te well lo lengro rai, un kowa anell len o tchatcho dromestar tele?

Hiob 8:13

Jaake djal hakeneske, kai o Debles bistrella. Kowa, kai gar o Debleha djiwell, koleske atchell tchi, hoi dell les pale newi soor.

1. Rajengro liil 22:6

Kote mukas o rai pral o them Israel i dikepangren khetne te well – kolla his jaake star-sheel mursha – un putchas lendar: “Djap me an o kurepen, te kurap man o foreha Ramot an o them Gilead? Kamell o Dewel kowa? Kamell lo kowa gar?” Kote penan jon: “Dja koi, un o Dewel dell o foro an tiro wast.”

Markus 13:14

An o Debleskro lab hi tchinlo pral koi djungeli tchilatchi figura. Koon kawa drawerella, kamaus, te haiwell lo les ninna. Ap ko diwes, kai dikenn tumer koi djungeli tchilatchi figura kote tardo, kai hunte well li gar tardo, palle hunte nashenn kolla, kai hi an o them Judea, sik ap i berge!

Gosewe laba 11:6

Ko tchatcho koowa, hoi o Debleskre menshe krenna, lell len win dran o merepen. I phukepangre wenn tapedo an pengri bok pal i lowe.

Gosewe laba 11:8

Kowa, kai an o tchatchepen tardo hi, well win lino dran i bibacht. Un pal leste well ko tchilatcho koi dren.

Gosewe laba 16:29

I tchilatcho marepaskro anell peskro rakepah peskro males ap i drom, hoi gar mishto hi.