Gosewe laba 10:6 - O Debleskro Drom 2021 (Sinte)

⁶ O Debleskri bacht hi tchiddo ap koleste, kai an o tchatchepen tardo hi. An o rakepen i tchilatchendar hi lengro djungelo koowa khatedo.

O Debleskro Lab 2024 (Sinte-Manouche)

⁶ O Debleskri barht hi čiddo ap koleste, kay an o čačepen tardo hi. An o rakepen i čilačendar hi lengro djoungelo koova khatedo.

Gosewe laba 10:6 Referans Kwoze

5. Mose 28:2

Te shunenn tumer ap leste un krenn, hoi job tumendar kamella, well leskri bacht pral tumende an halauter:

Gosewe laba 28:20

I murshes o labestar hi bacht an bud koowa. Kowa, kai kamell sik braweles te well, anell ninna doosh ap peste.

Gosewe laba 24:25

Kol tchatchepangre mursha, kai djan pal o tchatchepen, kolenge djal mishto. Un bari bacht well ap lende.

Gosewe laba 10:11

Har i brunna dran kolate djido pani nashell, jaake hi i laba kolestar, kai an o tchatchepen tardo hi. Pal i laba i tchilatchendar hi lengro djungelo koowa khatedo.

Hiob 29:13

Kolla, kai merans, te woms gar koi, rakran i bacht pral mande win. Un me krom, te giwas o dji kolatar, kolakro rom meras.

Remarja 3:19

Mer djinah: Kowa, hoi an o Moseskre laba penlo hi, hi kolenge penlo, kai lan kol laba. Kolla hi i bibolde. Jaake nai penell kek mensho, witar kek biboldo: Man hi kek doosh. Kek mensho krell o tchatchepen. Doleske hi kek mensho tchatcho glan o Debleste.

Gosewe laba 11:26

Kowa, kai djob pale rikrell, pral koleste rakrenn le bibacht win. Un bacht rakrenn le win pral koleste, kai djob bikrell.

Debleskri gili 107:42

Kowa dikenn kolla, kai o tchatcho drom djan, un hi bachteles, un i tchilatchenge well o mui pandlo.

Ester 7:8

Har was o baro rai dran i baar pale pale an koi isema, kai jon khetne mool pijan, dikas lo o Haman, kai glan i diwana tchiddo his, kai i rani hi. Koi das lo gole: “Kamell lo kanna pash mande an miro kheer i ranjake tchomone te krell?” Kol laba his gomme gar dran o baro rajeskro mui tseles win, koi tchakran i budepangre o Hamaneskro shero.

Gosewe laba 10:5

Koon nijaleske peskro djob dren anell, hi i gosewo tchawo. Koon sowell an ko tsiro, kai o djob dren anlo well, kowa hi i tchawo, koleske peskro dad pes hunte ladjell.

Obadja 1:10

Tu kral djungelo koowa ap tiro phraleste, o Jakobeste! Doleske well i ladj ap tute, un tu wess jaake khetne stakedo, te stess buder gar pre!

Gosewe laba 3:33

O baro Dewel tchiwell i bibacht ap o kheer i tchilatchendar, un bacht ap o kheer kolendar, kai an o tchatchepen tardo hi.

Jesaja 3:10

I bacht well ap kolende, kai an o tchatchepen tardo hi! Un lauter djal lenge mishto. Ko latcho koowa, hoi le kran, well ap lende pale.