Gosewe laba 10:22 - O Debleskro Drom 2021 (Sinte)

²² Te tchiwell o baro Dewel peskri bacht ap tute, weh tu brawelo. Un kowa, hoi tu koi pashel kreh, hi tchitcheske.

O Debleskro Lab 2024 (Sinte-Manouche)

²² Te čivell o baro Devel peskri barht ap toute, veh tou bravelo. Oun kova, hoy tou koy pashel kreh, hi čičeske.

Gosewe laba 10:22 Referans Kwoze

Debleskri gili 107:38

Un job das len bacht, un jon wan bud un budeder. Un job das len ninna bud viechen.

1. Mose 26:12

O Isaak tchiwas djob an i phub an ko them. Un o baro Dewel tchiwas peskri soor koi pre. Jaake las o Isaak an ko bersh sheel kope jaake bud djob, har lo an i phub tchiwras.

1. Mose 24:35

O baro Dewel tchiwas bari soor un bud bacht ap miro rai. Jaake was job brawelo. O Dewel das les bakre un grumja, rup un sonakai, budepangre: mursha un djuwja, ninna khamele un burike.

1. Mose 12:2

Me kamau te well tutar i bari natsjona. Me tchiwau miri soor un miri bacht ap tute, un kamau tiro lab bares te krell. Un koi bacht, hoi me tut dau, djal dureder ap i wawar menshenge.

Debleskri gili 37:22

Kol menshe, ap kolende o baro Dewel peskri bacht tchiwas, lenn ko them. Kolla, ap kolende o baro Dewel i bibacht tchiwas, kolendar atchell kek.

Gosewe laba 20:21

Te kameh sik kowa te lell, hoi jek tire phurendar peskre menshenge pale mukell, palle anell kowa tuke kek bacht.

1. Mose 13:2

O Abram his brawelo: Les his bud vieche, rup un sonakai.

Gosewe laba 28:22

Koles, kai bok pal i lowe hi, nashell o brawlepen palla, un djinell gar, te well jaake o tchorwlepen pral leste.

Zakarie 5:4

O baro Dewel, ko rai pral o bolepen un i phub, penell, ko praassepen te well pral o tchorepaskro kheer un an o kheer kolestar, kai dell pes i chocheno sowel an o lab o baro Deblestar. Ko liil atchell an lengre khera, un chal len pre, ninna lengro kasht un lengre barra.”

1. Mose 14:23

Kek kotar thab, witar kek dori, hoi i kircha khetne pandella, lau tutar. Te peness tu gar, tu kral man brawelo.

Josua 6:18

Tumer, denn jak, te lenn tumenge tchi kolestar, hoi hunte well mulo dino. Kowa te krenn tumer, palle anenn tumer bari bibacht un o merepen pral i tsele Israelitarja.

1. Rajengro liil 21:19

Rake leha un pen leske, hoi me, o baro Dewel, leske penau: ‘Hi kowa gar doha, te maral i murshes? Hunte tchoress tu kanna leskro kotar them? Me, o baro Dewel, penau tuke: Ap ko kotar phub, kai i djukle pijan o rat o murshestar Nabot, kote pijenn i djukle tiro rat ninna.’”

1. Mose 26:13

Un o Isaak was brawelo un brawleder, un les his i baro brawlepen:

5. Mose 26:10

Kanna anau ko ersto djob, hoi bares was an ko them, hoi o baro Dewel man das.” Palle tchiwess tu les glan tiro baro Debleste tele, un witsress tut tele glan leste, te mangess les an.

5. Mose 28:11

Un o baro Dewel krell, te well tumen bud latchepen, budeder har doha. Job dell tumen bud tchawe un bud vieche. Bud djob un wawar koowa well baro ap tumari phub an ko them, kai o baro Dewel pes glan tumare phurende sowel das, te dell lo les tumende.

2. Familjakro liil 25:9

Un o Amazja putchas o Debleskro murshestar: “Un hoi hi kol sheel zentnarja rup, hoi me kol lurdende dran Israel dom?” O Debleskro mursh penas: “Pash o baro Debleste hi jaake, te nai dell lo tut budeder har tu len dal.”

Gosewe laba 8:21

te dap kolen, kai man o djijestar kamenn, jaake bud, te nai djiwenn le mishto, te krap lengre khera pherdo brawlepen.

Gosewe laba 14:24

O goswepen hi har shereskro sonakai i gosewenge. Ap o shero i narwelendar hi lengro dinlepen har i stadi.

Daniel 1:15

Un pal kol deesh diwessa sikras pes, te dikan jon feteder un sorleder win har kol tsele terne mursha, kai o rajeskro chapastar chan.

1. Familjakro liil 4:10

Un o Jabez das gole ap o Israeleskro Debleste un penas: Tchip tiri bacht ap mande, un kre miro them bareder har lo kanna hi. Ab mantsa, un rike tiro wast pral mande, te well nai kek duk pral mande! Un o Dewel mukas te well, hoi job putchas peske lestar.

2. Familjakro liil 32:27

O Hiskija his latches an-diklo, un les was bud un budeder brawlepen. Un job kras peske khera, kai was pre-hadedo leskro rup, sonakai, kutch barra, sungepaskro djet, shilte, un wawar kutch koowa.

2. Familjakro liil 32:29

Un job kras peske forja. Un les his bud bakre un grumja. Ko tselo brawlepen das les halauter o Baro Dewel.

Debleskri gili 127:2

Tchitcheske hi, te stenn tumer sik taissarlakro pre, un han beshdo bis an i rat, un marenn tumen tele, te lenn tumaro chapen. Kowa dell o baro Dewel peskre malen an o sopen.