Gosewe laba 10:14 - O Debleskro Drom 2021 (Sinte)

¹⁴ Gosewe menshe rodenn pal kowa, te djinenn le bud koowa. O rakepen i dinelestar anell sik an i bibacht.

O Debleskro Lab 2024 (Sinte-Manouche)

¹⁴ Goseve menshe rodenn pal kova, te djinenn le boud koova. O rakepen i dinelestar anell sik an i bibarht.

Gosewe laba 10:14 Referans Kwoze

Gosewe laba 18:7

O rakepen o dinelestar anell les an i bibacht. Un job taprell pes kokres an peskre laba.

Gosewe laba 10:8

Koles, kai i gosewo dji hi, rikrell pes ap kol laba, hoi leske penlo wan. jek, kai dinelo koowa rakrell, nashrell halauter.

Gosewe laba 13:3

Kowa kai ap peskro rakepen jak dell, kowa dell jak ap peskro djipen. Koles i baro mui hi, kowa tserdell bibacht ap peste.

Gosewe laba 10:10

Kowa, kai i jakentsa dell, dukrell i wawaren. Kowa, kai dinelo koowa rakrell, nashrell halauter.

Gosewe laba 9:9

Pen i goseweske kowa, hoi job gar mishto kras! Palle well lo gomme gosweder. An koleske tchomone pashel, kai an o tchatchepen tardo hi! Palle djinell lo gomme budeder.

Mateo 13:52

“Tumer dikenn,” penas lo, “hako tchatchepaskro, koon djinell o phuro biboldengro tchatchepen, un ap mande patslo was, kowa haiwell kanna o newo un o phuro koowa pral o Debleste, un nai penell kowa i menshenge.”

Mateo 13:44

Kowa, kai hatsas o drom pash o Debleste, koleske hi kowa har i kutch brawlepen, hoi an i kotar phub khatedo hi. Un i mensho hatsell les, un khatrell les pale. Un job hi jaake bachtelo koi pral, te bikrell lo lauter, hoi les hi, un ginell ko kotar phub.

Mateo 12:35

Dran i latcho mensheskro dji wella latcho koowa. Dran i tchilatcho dji wella tchilatcho koowa.

Gosewe laba 21:23

Kowa, kai nai rikrell peskro mui un dell jak ap peskri tchip, sawo rikrell bibacht pestar krik.

Gosewe laba 19:8

Kowa, kai peske bud pashel anas, kras peske latchepen. Kowa, kai lauter mishto haiwell, hatsell bacht.

Gosewe laba 18:15

I gosewo mensho kamell bud te djinell, un krell peskre kanda pre, te haiwell lo, hoi tchatcho hi.

Gosewe laba 18:1

Koon pes i wawarendar krik rikrella, rodell, hoi peske kokres shukar hi, un kamell gar dren te dikell, hoi latcho leske wals.

Gosewe laba 1:5

Kolla, kai gosewo hi, shunenn, har te wenn le gomme gosweder. Kolla, kai siklo hi, hatsenn, har te djan le pengro drom.

Gosewe laba 12:23

Jek, kai gosewo hi, sikrell gar, har bud job djinell. I dinele denn pengro dinlepen win gole.

Sikepaskro 10:12

O rakepen hoi dran o goseweskro mui win wella, anell leske an-dikepen, o dineleskro rakepen chal les pre.

Gosewe laba 17:20

Jek dui djijentsa hatsell kek latchepen. Un jek dui tchipjentsa perell an i bibacht.