Gosewe laba 1:32 - O Debleskro Drom 2021 (Sinte)

³² Kolen tchi an o shero hi, kolla rissrenn o Debleske o dumo; un kowa anell lenge o merepen. Un lengro pre-phurdepen marell len.

O Debleskro Lab 2024 (Sinte-Manouche)

³² Kolen či an o shero hi, kolla rissrenn o Debleske o doumo; oun kova anell lenge o merepen. Oun lengro pre-phourdepen marell len.

Gosewe laba 1:32 Referans Kwoze

Hebrearja 12:25

Denn jak, te shunenn ap o Debleste, kai ap tumende rakrella! Har job ap i phub ap i phure Israelitarja rakras, kaman le gar ap leste te shunell, un leskri choli was pral lende. Kitse budeder well o Debleskri choli pral mende, te shunah gar ap leste, kai dran o bolepen rakrella.

Gosewe laba 8:36

Kowa, kai gar pash mande well, krell peskro djipen paash. Hakeno, kai kamell tchi mandar te djinell, hi ap o drom, hoi anell an o merepen.

Johanni 3:36

Koon ap o tchaweste patsella, koles hi ko djipen, hoi gar pre-herella. Koon ap o tchaweste gar patsella, koles well ko tchatcho djipen gar. O Debleskri choli atchell pral leste.”

Jeremia 2:19

Dran tiro tchilatchepen well kowa ap tute. Tu shunal gar. Doleske leh tu sawi phagi. Tu hunte djiness un haiwess, hawo pharo koowa un duka ap koleste wenna, kai djal peskro baro Deblestar krik, un kamell lestar buder tchi te djinell. Kowa penell o baro Dewel, ko rai pral o bolepen un i phub.

Hebrearja 12:8

I tsele Debleskre tchawe djinenn i tsiro, kai lan le lestar i phagi. Tumer te djinenn kowa gar, palle han gar leskre tchatche tchawe.

Debleskri gili 69:22

Jon dan man i shutlo chapen, un har his man trush, dan le man shut te pijell.

Jakobo 5:5

Tumenge djas mishto ap kai phub, tumer chan un pijan, un wan pesso, jaake har i vieche, kai wenn maredo.

Gosewe laba 1:22

Tumer, kolen tchi an o shero hi: Har rah kamenn tumer dinelo koowa te krell? Tumer sapangre, har rah kamenn tumer pral o wawareste te sal un les praassell? Tumer dinele, har rah penenn: Mer kamah gar te djinell, hoi tchatcho hi?

Gosewe laba 5:22

O tchilatcho koowa pandell koles, kai kowa krella. Leskri doosh hi har shelle, hoi les pandenn.

Gosewe laba 8:5

Haiwenn tumer tchi? Palle denn jak ap gosewe laba! Han tumer dinelo? Palle dikenn dren, hoi tumenge mishto hi!

Jesaja 66:4

Doleske hi mange shukar, te anap len an i bibacht. Un anau kowa pral lende, glan leste jon jaake darenna. Me dom ap lende gole, un kek shunas un kek rakras pale. Me dom len trad, un kek das pre jak. Awa, jon kran kowa, hoi an mire jaka tchilatcho hi, un lenge his shukar, te krenn le kowa, hoi an mire jaka djungelo hi.

5. Mose 28:17

Bibacht well ap tumaro djob, te well tumen gar doha maro te chal.

Gosewe laba 2:18

Te djah an lakro kheer, weh ap i drom, hoi djal an o merepen. Lakre dromma djan an o mulengro them.

Gosewe laba 9:18

Un job djinell gar, te hi kote i mule. Kolla, kai pash late wenn, hi ap ko drom, kai an o merepen djal.

Gosewe laba 10:21

O rakepen kolestar, kai an o tchatchepen tardo hi, dell bud menshen newi soor. Kolen tchi an o shero hi, kolla merenn dran ko dinelo koowa, hoi le kran.

Gosewe laba 14:16

O gosewo darella un rikrell pes pale o tchilatchepastar. O dinelo well sik chojedo un patsell, te nai djal leske kek tchilatchepen.

Amos 6:1

Djungeles djal kolenge, kai djiwenn i shukar djipen ap i berga Zion! Djungeles djal kolenge, kai djiwenn an o foro Samaria, un krenn pen kek shero! Djungeles djal tumenge, kai han i raja pral Israel – koi an-dikli natsjona, pash kolende i Israelitarja wenna!