Gosewe laba 1:25 - O Debleskro Drom 2021 (Sinte)

²⁵ Tumer mukan tumen tchi te penell, un dan gar jak ap kowa, hoi penom.

O Debleskro Lab 2024 (Sinte-Manouche)

²⁵ T'mer moukan t'men či te penell, oun dan gar yak ap kova, hoy penom.

Gosewe laba 1:25 Referans Kwoze

Louka 7:30

Kol Farisarja un kol biboldengre tchatchepangre, kran o Debleskro lab penge tchitcheske. Jon mukan pen gar o Johannestar te taufrell.”

Debleskri gili 81:11

Me hom tiro baro Dewel, kai tut dran o them Egiptia win anas. Kre tiro mui dur pre, un me dau tut bud chapen.

Gosewe laba 12:1

Koleske, kai kamell gosewo te well, hi shukar, te well leske penlo, hoi lo gar mishtes kras. Kowa, kai mukell pes tchi te penell, atchell dinelo.

Gosewe laba 1:30

Har penom lenge, hoi lenge latcho hi, kran le kowa gar. Har dom len trad, dikan le krik.

Gosewe laba 5:12

un peneh: “Har dinelo homs, har dom gar jak, hoi mange penlo was. Hoske shunom gar ap koleste, kai das man trad?

Debleskri gili 107:11

Jon shunan gar ap o Debleste, kai hi o Dewel pral halauter, un tchiwan leskre laba ap i rig.

2. Familjakro liil 36:16

Jon sanan o Debleskre bitchepangren win. Un leskre laba his lenge tchi moldo, un jon rikran o Debleskre rakepangre dineleske. Doleske was o baro Debleskri choli jaake phares pral peskre menshende, te nai wan le gar win lino koi dran.

1. Samuel 8:18

Palle te well ko diwes, kai denn tumer gole pral tumaro baro rajeste, koles tumenge win rodan, palle shunell tumen o baro Dewel gar an kol diwessa.”

Gosewe laba 8:14

Mire labentsa sikrau jekeste o drom, un krau leskre jaka pre. Djinau, hoi mishto un gar mishto hi, un man hi i soor.

Gosewe laba 15:10

Kolla, kai o Debleskro drom mukenn, lenn i phari phagi. Koon mukell pes tchi te penell, hunte merell.

Jeremia 35:17

Doleske penell o baro Dewel, ko rai pral o bolepen un i phub, kai o Israeleskro Dewel hi: Me rakrom tumentsa, un tumer kaman gar ap mande te shunell. Me dom tumen gole, un tumer rakran gar mantsa. Doleske anau pral o them Juda un pral i tsele menshende an o foro Jerusalem koi tseli bibacht, doleske me len trad dom.

5. Mose 1:45

Kote wan tumer pale pale, un rowan glan o baro Debleste; o baro Dewel shunas gar ap tumende, un das gar jak ap tumari gole.

2. Familjakro liil 33:10

Ninna te das o baro Dewel o Manasse trad un i menshen an leskro them, dan jon gar garda koi pre.